我男朋友忘記唔到前度 應該點算

篇野係好長..但我真系煩左好耐 打左好耐
呢啲都係我咁耐以黎大約煩緊個女仔既事
希望有人可以解答下我

我同我男友系遠距戀愛,我香港 佢台灣
上年五月幾開始同佢係埋一齊 慢慢就好愛對方

果時都無乜野 果時九月中度 開始就發生呢啲事.
佢前女友搵佢,同佢講佢有CANCER,想同佢一齊番
唔一齊既話就唔去做手術果啲 個女仔既屋企人都勸唔到佢去做手術
我男友果陣都猶豫不決,果陣其實佢仲愛緊個前度
但唔想同佢一齊,見個EX有病先話同佢一齊
我就同我男友傾左好耐,最尾佢無應承同個女仔一齊

我男友同佢講同左我一齊,個女仔係醫院就話向我問好
之後都無野,我男友會個個禮拜去醫院探佢..
佢話應承過個女仔屋企,要好好照顧佢.
果陣我都小小介意我男友個個禮拜去探佢,但係我無辦法
佢仲試過因為啲同學對佢前女友唔好而鬧佢同學
我係介意,但我果時仲當佢地係普通朋友
我地都有保持男女朋友既關係,佢亦都會同我講佢探醫院既事

--

之後到今年一月,佢仲有去探佢,之後我同佢傾個前女友既事
傾左好幾日,我知我同佢有好多問題,有距離問題,屋企人會唔會支持果啲問題
但最主要係佢過唔過到前女友果關,佢好愛我,我亦都好愛佢
但係我同佢傾,傾到好深入,佢就話分手,做朋友
佢話佢仲愛佢,都好愛我 但佢接受唔到自己同時中意兩個人,
會好對唔住我,我果陣好唔開心 佢不嬲唔飲酒食煙
同我分手之後就話去食去飲..
佢話分手果晚 同我講 佢前女友知道我同佢一齊 但係咁叫佢同佢復合
而我男友因為 前女友需要佢照顧 無辦法同我一齊 但身邊既係第二個女仔..

--

分手之後 佢有同我FD傾過 話仲好愛我 但佢一定要同個女仔一齊
而兩個月內 我地仲有聯絡 語氣都好親密 淨系爭在無講愛同老公老婆果啲
而情人節果時 我有SMS過佢 但佢前女友見到哂封SMS 發脾氣 我男友就覆番我話 唔好再聯絡
果時我先知佢地復合左 佢過左兩日搵番我 話對唔住
因為個前度發脾氣 佢無應承同佢一齊
個女仔同佢復唔復合時 我男友只係默認 無答佢 佢就以為一齊左
一齊左一個禮拜後 佢地就分開左 我男友話發現自己唔再愛佢
而我地個個禮拜得閒就會CAM 仲頻密過之前
到三月中佢先問我同唔同番佢一齊 之後一齊番

--

佢同佢前女友分手係因為個女仔一腳踏兩船
佢同左我一齊之後 其實都唔開心 因為會諗起同前女友一齊既日子
佢同我講 佢對每段愛情都會好認真 依加唔愛佢 只係會諗 點解個女仔會一腳踏兩船
一直放低唔到呢個包袱 佢地一齊果陣佢好愛個女仔
佢地互相既第一次都比左對方 呢樣都係我介意既事
佢地一齊果段日子 住既係同一間房 同一張床
分開左先無 但迫於無奈都係住同一間房 但好少傾計

--

佢近排FB成日PO啲傷心既句子 仲係忘記唔到個女仔
個女仔亦成日打比佢 問佢復唔復合
我男友同佢講 同番我一齊 個女仔就會係咁鬧 點解同番我一齊
有啲咩比唔上我果啲 就算唔係佢 都唔應該同我一齊

我認,我好多比唔上個女仔 無論樣貌 身材 經歷
我同我男友係遠距 佢地一齊同一間學校 我無辦法阻止
個女仔到依加都成日打比我前男友 我叫佢唔好聽
我唔想佢地有再一步既聯絡 我男友都唔介意

我勸我男友唔好再諗 放低以前
佢就話依加仲好難放低 因為我同個前女仔 性格好似..

我八月就會去台灣 同佢一齊住

--

但依加問題係 我男友仲忘記唔到個前度
佢好想放低 好好愛我
佢到依加愛我 都唔及佢以前咁愛個女仔
係因為佢心入面仲有條刺

佢同我講 我同佢岩岩開始果陣 佢覺得我唔重視佢
佢就同個女仔復合過 即系一腳踏兩船
但又係一個禮拜就散左

我應該點做好?個女仔仲有搵佢 我應該點令佢全心一意去愛我一個好?
我介意佢為左個女仔同佢復合 我仲介意佢心入面仲有個女仔
我介意佢心入面仲有佢地兩個之間既回憶

佢依加淨係同我一齊 佢好愛我 但心入面仲有條刺 分左手成年仲未放低
佢琴日仲同我講 想改造自己 至少外形唔再係個女仔以前中意果種類型
佢想要有全新既生活 咁係咪已經開始放低緊?

我地好愛好愛對方 但好介意有個女仔既存在..
有無人可以解答下我?應該點做?