進化論,無神論者=科學?

本來已經十分眼訓，但眼見竟然有科學盲小學雞講左咁大段廢話証明自己係完全既科學盲，污衊左呢個人類史上最偉大既科學理論及發現，對以普及科學為一生職志既小弟來講，惟有略盡綿力，打倒一切牛鬼蛇神。

首先要話比科學盲樓主知，達爾文既理論英文叫“Evolution”，一般人譯做“進化論”，但呢個係唔準確既翻譯，因為達爾文既理論從來 都無主張過生物既演化必定進步，所以近年學術界已用較嚴謹既名稱“演化論”。

以下講既對不學無術既樓主來講非常難明，但無奈因為要令頑石點頭，點都要講下。達爾文從來都無講過動物演化一定會進步(同樣呢位老紳士終其一生都無信過教，唔該唔好再屈佢)，演化論既核心思想係天擇原理，呢個絕非一個隨機過程。天擇原理係指環境既特徵及變化會自動篩選能夠適應既物種留係世上，其他通通淘汰，即使被淘汰既身體特徵有更好設計都要淘汰。例如雀鳥理論上對翼愈大愈好，因為飛行能力好可以加強覓食能力、逃走能力及搵配偶既能力，但如果某種雀鳥生存既環境根本唔需要飛行能力，咁久而久之呢種動物既飛行能力就會退化。非洲大草原及南極就係咁既環境，於是出現左唔識飛既鴕鳥及企鵝，兩者如果識飛絕對好生活好多，但由於佢地住既地方根本唔需要飛，於是完全退化。

另外科學盲樓主唔知既係演化係一個極長既過程，新物種既出現最快都要幾萬年，一般要數以十萬年計，但呢個極漫長既過程會逐少逐少累積起適應環境既演化，到最後經歷數百代後就產生新品種。一般生物數代之間既差異幾乎不能觀察，但從化石紀錄就可以搵到證據。先此聲明，真正專業高手古生物學家係非常頂尖既偉大學者，佢地搵到既化石證據難以想像地齊全真實，絕無 Missing Link 問題 (科學盲樓主知唔知呢個係咩問題﹖)。以人類既演化史為例，由遠古數百萬年前既猿猴先祖到今天我地作為智人(Homo Sapien，樓主知唔知我講緊乜﹖唔知唔緊要，虛心啲問下人就得)之間既化石證有大量化石證據證明當中既演化關係，我地甚至可以將各物種先祖們既頭骨依序排列，見證由猿猴到智人既數百萬年間腦袋點樣愈變愈大！其他物種都有類似巨量化石證據，絕對無法否認。更必須強調既係有大量學者及頂尖權威科學組織宣誓支持演化論，當中名聲如雷貫耳者有美國科學院(United States National Academy of Sciences，美國最高科學機構，為美國及全世界之科學權威)、英國皇家學會(Royal Society，英國最高科學權威，多年來會長都是諾貝爾獎得獎者)。另外係2003年，一個名為Project Steve 既計劃，係2003年開始搵科學家支持演化論，短短10個月已搵到400個，最重要係當中包括多位諾貝爾獎得主，如史提芬．溫伯格及朱棣文等。我對創造論既要求極低，你只要搵到一個諾貝爾科學獎既得主完全支持創造論，我就認真研究創造論。

另外，科學盲樓主對演化既累進觀念一無所知。物種代與代之間既差異可以細到無法觀察，但一經設定，即會形成一個長期而不可逆轉既趨勢。一生以宣揚演化論為志向既世界知名牛津大學教授理察．道金斯(Richard Dawkins)係廿幾年前既一套紀錄片上已用一個電腦程式示範左一堆隨機既英文字母，只要係正確位置配上正確字母即固定該字母，我地可以係幾十秒之內就可以係一堆隨機既英文字母中砌出任何我地想要既英文字。

由於樓主係完全科學盲，佢連演化論只能用於生物演化，不能用於行星演化，例如地球演化都唔識，有排講。樓主廢到連放射性年代測定都唔識，知識水平低成咁都唔知點講好。只可以講科學家有幾十種呢類方法，情況大致係用某啲物質既半衰期來斷定某物件既年期，某啲方法的確可以斷定數以十億年計既時間，地球年齡就係用呢種方法搵出來。

最後只想勸樓主，你咩都唔識，唔好再唸住同我或其他有最起碼科學常識既朋友討論呢啲你無法了解既問題。如果你想搵人鬧交，我唔阻止你。但如果你係認真唸住用你有限既智慧說服人，咁就完全無得搞，因為支持演化論既科學家及組織權威性及知識高到難以想像，而證據亦多到幾十年都講唔完。我無興趣逐個point 駁你，惟有比多啲資料比你睇漫漫學﹕

Evolution:

http://en.wikipedia.org/wiki/Evolution

Project Steve:

http://en.wikipedia.org/wiki/Project_Steve

理察．道金斯 - 盲眼鐘錶匠 (The Blind Watchmaker)

http://www.youtube.com/watch?v=0k9Bwt_aHq4

上述既亂估英文字遊戲開始於14:00。


以科學普及為職志既網友potholer 54 既一系列介紹演化論既影片 (Make Easy系列):

http://www.youtube.com/playlist?list=PL100500E4C9404405&feature=plcp

事實上，很多基督教的福音派甚至基要派(主要美國最多)都將世界6000年視之為真確無誤，並拍攝記錄片。但當然，大部份基督教與天主教並未有將甚視之為主流說法。

樓主... 雖然我亦是教徒, 但奉勸一句, 自己的信仰基礎未打好, 就千萬唔好勉強自己去說服別人接受, 或挑戰別人的觀點. 在舉反證的時候, 就更加需要明白別人的觀點, 才可找到弱點. 老實說, 如果只看你和 Steven 兄的對答, 你輸晒 !! 而且係技術性擊到. 你連最基本的碳14 檢定物件年代的方法也不知道, 就挑戰歷史只可以印證地球只有 6000 年?? 咁樣舊石器時代是什麼 ?? 直立人又是什麼 ??

我其實也是一個科學白痴. 以往也不相信進化論. 如果人是從猿進化而成, 為什麼世上還有猿猴 ?? 但當你閱讀多一點, 求知多一點, Steven 兄已經解答了這問題. 進化不是一天可以形成. 聖經說上帝用 6 天創造天地, 有誰可以保證這 6 天就是現在的 144 小時... 又有誰可以保證亞當及夏娃完全和我們一模一樣呢 ?? 你問梵蒂岡, 或是聖公會, 相信冇人答到.

教會已經不再視科學為宗教的敵人了. 而進化論和創造論其實沒什麼對抗性. 創造了就不能進化嗎 ?? 如是, 我們應該是沒有 boardband, 大家繼續用 56K 上網??? 或者甚至不可能上網. 還是大家現在是坐雙翼飛機, 而不是噴射客機 ?? 信仰是由心出發, 不是由例證出發的. 如果需要例證, 那麼你和多馬一樣, 要看到耶穌的傷口, 才相信耶穌是從死裡復活的.

200 年前字典沒有 prehistoric 一字, 就不代表 prehistoric 不存在. 今天文字紀錄的是 "信史", 而信史前的是 "史前史". 相信中一的歷史科第一頁就是教授什麼叫 history 了. 如果只相信信史, 那麼我們之前所發現的原始人石刻, 又是什麼 ??? 到現在, 字典還沒有 "吹水" 這個字, 但我們現在不是吹水是什麼 ??

不過我是認同樓主所說, 我們每一天起床還可看到太陽, 應當感恩. 但向誰感恩 ? 這是個人的事. 希望樓主先看多一些不同的著作資料, 豐富一下內涵, 這樣理據會更為有力的...

耶穌係上帝托世?_?咪玩啦聖經係話耶穌係上帝之子為我地救贖而被釘十字架....我寫依篇野目的,就係想各位感恩,無論大家信唔信神,都要多謝上天帶被我地既新一天....幸福唔係必然,同埋睇清楚自已係一個被洗腦既世界...thx anyway: )

係柏氏心理學覺度"宇宙觀"!上帝不是無中生有!上帝是因四個條件而創造人1動因2目的因3型柝因4質料因.因為柏拉圖認為上帝造人等同一個木匠透過自己的猜想而製成一張椅.我信這個世界有上帝,但就不信耶穌就是上帝,唔好同我講耶穌係上帝托世,我唔想因河蟹而把中西南北的宗教理論混為一談!這幾十年的天災,全因人類被造物上帝責罰,而不是可由那一個救世主可改變!

2012-07-11 11:17:48 補充：
我並無亂答!止係你哋基督徒成日標榜耶穌係上帝!真唧上帝係獨一無二唧!係希伯來文基督的意思是救世主,但係在上帝的皇權並無任何計承者,你哋有無唸過耶穌生存唧年代,只係發表一些涉漬神靈唧說話而被殺,大部份現代宗教刊物都扭曲歷史,將宗教刊物當正史睇!猛話人唔尊對方!你講耶穌如果真係上帝嗰仔,點解上帝由得佢自已嗰仔被人殺而唔救!如果教徒連呢啲都無唸過就話信上帝,呢啲信仰係唔係有問題咩!如果生命不重要還有乜嘢係最重要!其實宗教好多嘢係涉及政治目的,唔知邊一個至係迷途唧羔羊呢!如果個個宗教唧教徒都拿著聖戰為口號亂殺人!噤又點可以話宗教係渡又向善架!

2012-07-11 11:34:59 補充：
請尊重生命!