我男朋友...佢D家人...內容有D長 請救救我!!

話說...我17歲就同佢一齊到現在@@ 都十多年了...
.
佢對我幾好架...但都分過幾次手啦...也有接受別的感情...但最後又同佢好返。
.
但感情好似無咩特別變好...我都無覺得佢想結婚...(再加上我有左案底,都唔知結左會唔會害左佢) 佢算係好孝順 好乖仔
.
但一齊住左咁耐(同佢成家住)...實在係好辛苦(大家咁話)...佢地D習慣 同我D習慣...完全係一東一西...甲唔到呀>.<" (我已經問左好多次 我地幾時先可以搬開住 但佢只會扮聽唔 好多次由問變到吵 也試過因這原因我離家出走過, 現在關係已經唔多好 亦無同佢家人一齊吃飯 連同佢家人講野都極少 可能一日不到3句 )
.
而家大家都3X啦...感情還是太平淡(我也不是想要太刺激)...但又唔係淡到咁=_=a

就平淡到 去街各有各行佢唔會拖住我行街 我拖佢 仲會甩我手 再講明D N咁多年冇錫錫 上床都係做完就算
.
佢仲有1個好喜歡賭錢既呀哥(42歲 有老婆有2個仔 但已移民 而佢呀哥冇比錢個老婆 BUT 唔關我事...) 重點係4次去澳門賭錢輸哂(而且仲欠好多街數) 仲要同人借 一次比一次多 最近一次 借左人地30萬... 前一次7萬... 再前2次都好幾萬... 仲要比人押住返黎問攞錢...你地都知啦,,,借30萬無可能就還30萬咁少,,, 結果呢次次都要佢地呀媽爸呀媽喊住去同人借錢,借到無朋友...借唔到咁多 然後佢呀媽又喊住叫我男朋友去銀行借...次次都係咁我男朋友 已經比哂D積蓄佢地...連佢辛苦 剩果小小都用埋...而家算係班夠錢還比人...佢呀哥就好似無事咁 返黎食飯.睇電視.上網.
.
我都已經嬲到爆啦...佢呀哥仲好意思黎問我點解佢電腦上唔到網....我咪好火咁話唔Q知嚕... 仲有呀 佢呀哥之前唔知真定假話自己夜晚有做PART TIME 但而家日日見佢返黎就冇出去 ...欠人咁多錢又唔見佢去做PART TIME? 仲口輕輕話 唔會欠我地既每個月會比返3幾萬我地...前後欠人7十幾萬呀大佬....而家變成我男朋友差人7十幾萬...成條數搬哂過黎...我男朋友先賺不到2萬 1個月...咁點搞呀...家下佢呀哥就日日輕輕鬆鬆 出事果陣 就好大口氣話唔返黎住 果D人打黎追錢我地受哂...我家下真係好唔高興嚕...佢呀爸呀媽 仲好笑 話我唔去做野幫下佢地!@!@!@! 講到好似我搞出事黎咁 @!@!@! 我真係唔知講咩好啦...頭先講到佢呀哥個老婆就更是好笑到爆...本來講好佢會攞20萬上下回來幫佢老公還...但而家又話都唔係好急姐 佢果D錢就唔攞返黎WO...講到呢度 我真係嬲到屎都飛埋出黎啦...
.
我已經好讓步啦...我冇做野 係我唔好 , 但同佢D家人一齊住有冇做野都係等於無錢...一出事連我D 小小既食飯錢都要比埋出去...我而家仲要怕有左BB...萬一真係有左...就真係搵鬼養啦...
.
大家來幫下我嘛 我真係好煩惱 我到底係咪要同佢分手??...離開這個怪家庭?? 我叫我男朋友唔好幫佢呀哥我係我衰?? 我有錢就要幫佢呀哥還呢D無哩頭既債?? 佢呀媽死要攬住個大仔 要我男朋友硬食呢條數係正常?? 我好多問題解決唔到呀 HELP~~