就係咁既 學校就黎有一年一度既舞蹈比賽。
而當中有社舞組 而我係有玩社舞既(玩社舞既全部都係我個班架)
同我地練社舞既就主要有兩個姐姐 咁就一個叫A 一個叫B喇
平時仲有男女社長睇我地跳@@
A同B 佢地兩個跳舞真係好型..
講真仲型過我身邊識既男仔(可能我識人識得少喇-_-)
練左一段時間 我發現A跳舞個陣 個種魅力真係好大..
覺得佢好勁..仲成日會諗住佢
(因為考晒試 目前我生活中成日做既野就係跳舞)
我地日日都練舞
我睇得出A同B真係好專心教我地架
但係唔知點解我成日專注係A身上
我地隻舞係三首歌組成
第二首主要係B教 第三首主要由A教
可能我特別鍾意第三首喇 A教既時候我特別專注
望住佢跳 成日都好希望可以跳到好似佢咁勁咁型..
前幾日學校有個活動 有四日 有三日係連續既
而個活動係下就開始 我都會同我d同學食lunch再番學校
個活動最後一日 我地都係食完飯就行番學校
行緊番去個陣 A同佢2個同學就係學校行番落去
跟住A同我地(連埋我3個人)揮手打招呼 個一刻我覺得佢好nice
(因為有時我地係小巴撞到女社長 都未必會出聲打招呼/揮手)
之後我其中一個同學就話
「(A)佢係學校落黎 咁係咪今日練舞佢唔會黎呢?」
我個陣真係好想佢黎 放左學見到佢 我成個人超開心 笑容滿臉咁..
去到一次練舞 係我地放假 之後社長特燈叫我地番學校練
一開始男女社長黎先 帶我地去自己練住先
練到一.兩次 社長就同我地傾邊到唔熟 我地係到聽比賽音樂
(因為社長都唔係好識跳..最多係格離幫手 有時仲問番我地-_-)
跟住我有個同學冇啦啦叫我
(佢知道我好鍾意A 當然我只係同佢講我覺得佢跳舞好型 而佢係其中一個同我食Lunch既人)
我問佢做咩 佢就指住個門口
A同B到左 我突然成個人變到超緊張同超興奮
之後我地開始練 我練舞個陣成日係到睇佢
(當然只係扮睇佢點跳)
一同佢有眼神接觸我就超緊張
練到咁上下 我地就排Ending位置
排位個陣佢拍我博頭 我冇啦啦變到超緊張
同埋我地練舞有個位置係要成場走一圈
係個part 我地會分一組組 排成一個個三角形 而我就係我個組三角形最突出果個
我地練舞個場地係有d櫃係格離 我地會擺袋同坐係上面
咁岩我地練緊走一圈個part 佢坐係個櫃上面
我個組轉到佢面前 我竟然唔敢望佢..
更新1:
其實我覺得自己有d問題..? 我未拍過拖架 但有鍾意過男仔 我好擔心 有打過俾fd傾.. 佢話我應該只係過份仰慕佢姐 同埋仰慕得比較強先會咁 但係對住佢 就好似我以前對住鍾意既男仔個種feel.. 其實我係咪只係覺得佢跳舞個陣好型先會咁.. 我成日都諗起佢 同埋佢下年就會畢業 我居然唔想佢咁快畢業.. 我冇add 佢fb 但係又成日禁去佢fb睇.. 我係咪只係被仰慕佢既感覺令到自己頭腦不清.. 定係我性取向真係有問題..? 好迷茫..請幫下我 謝謝/_\
