性格不討好

你所講的「男仔頭」是指哪方面？在性格行為上大大咧咧，講髒話？還是在打扮方面喜歡中性？還是興趣方面喜歡足球、籃球等男性主導的活動？
（假如你補充，我會針對情況來解決問題）

　　率直並非男生專有性格，你可以繼續做一個率直的女孩，只要不是討人厭的行為，別人都會覺得你很可愛。當然你要清楚率直不是講髒話，不是一見到不順意的人就狂罵，而是既抱著坦然的心與人相處之餘，又要收起不恰當的話。

　　假如你內心希望變得女性化，就跟隨自己心中所想而改變吧，不必過於顧慮旁人眼光，而且你可以慢慢改變啊！外型是最基本的，你只要習慣女性化的外型，慢慢地，你的性格行為就會變得女性化和溫柔了。

　　由於我不知道你的外型是否較中性，不能為你度身一個改變，但我可藉此給你一個「慢慢改變」的例子，假如你蓄短髮，暫時未能接受長髮，你可以試試剪個甜美的BOB頭，或開始梳理，夾上彩色的髮夾，如此一來，你和身邊的女性朋友都能慢慢接受，直到有一天，男生發現原來你的長髮形象很好看，呵呵。

　　你不必認為改變自己令更多人喜歡你是虛偽，你看看身邊人，尤其女生，為什麼她們有形形色色的衣服包包，去燙負離子？她們覺得這樣漂亮，別人喜歡，自己看著也開心，這沒有甚麼羞恥的。「女為悅己而容」，當中己字，既是知己，又是自己，你不過是希望變得可愛點，令別人愛你，自己從中得到快樂罷了。
作為一個聰明的女孩，她不一定要打扮得花姿招展，但至少要懂得一點女性的打扮，別像個棄婦，最重要的是，要有自信才會美哦！你連表面都做得不好，又怎能吸引別人跟你做朋友呢？根據曼士坦愛情三階段，第一階段必然是外表！

　　別害怕別人只喜歡表面的你，只要做到朋友，他們便能看到你的內在美。當然，你在表面不要矯揉造作，嗲聲嗲氣地說話就好，否則，相熟後落差很大呀！
有如前述，保持率真的態度與人相處！你有變得女性化的思想，證明你並非一個完全男性主導的女生，在這個情況，你可以買些少女時裝和美容雜誌，耳濡目染之下就會想好好打扮的念頭，假如你真的害怕被其他女性指責你「發姣」，你可以先向她們請教美容心得，和相約一起逛街買衣服，清楚表達你的想法。

　　另外，關於男生是否喜歡溫柔的女生，我可以肯定地答你，是的，只是程度之分。有些人喜歡七成依賴，三成主見，有些人喜歡女強人，但是沒有人喜歡100%或0%的溫柔，連女強人也有溫柔的時候啊！對於這點，你就不必擔心了，假如你現在沒有心上人，你盡自己喜歡調整溫柔指數吧，即使在心上人面前變得特別溫柔也不必覺得自己在「發姣」，只是愛情中的印象管理而已。

　　最後，互補性、相似性和感覺主宰男性對女性的好感，難以告訴你他們喜歡哪種類型。但在青少年階段，一般對美女的想法就是「ｏ靚模」型，眼睛大大的，皮膚白哲。可是，性格也很重要，你應在改變同時也保持自我，也要學會接受自己，別矯枉過正。祝你改造成功，生活愉快！

　　

睇戲的角色要性格鮮明, 忠奸分明, 才不會令觀眾混亂,
但係喺真實世界入便, 人冇可能得一種性格, 好似我對住粗人就自然變成粗人講粗話, 對住文化人就文化起來, 對著小朋友就變番做小朋友, 對住啲八婆就變成八婆講事講非, 對著訴心事的朋友就會變成一個聆聽者等等等....全部都係好自然, 冇做作, 發自內心, 唔係我人格分裂, 而係人根本就有多重性格。
好似樓主你咁, 起碼都有剛柔兩面, 還有希望被愛, 在乎人的看法等....不過有一樣是不可決的, 就係自信, 要清楚自己既優點, 唔好只係睇到唔好既嘢, 咁會嘥咗自己好多時間。
隨意吧, 中意靚果陣咪靚囉, 中意男仔頭果陣咪男仔頭囉, 最緊要自然流露, 就會好有魅力。
你說性格不討好, 我看重點不在外表和性格, 而是在乎你怎樣待人, 對人有幾多尊重, 對社會有幾多關懷。
長氣啲舉個例, 我初初去教會, 見到個個都樣衰, 冇好感, 但當相處落, 原來智慧同愛心係會令到一個人變得可愛的, 相反, 有啲好靚既人, 却無智慧及愛心, 幾靚都令人討厭。

2012-07-10 20:53:35 補充：
我都同意WONG CHING YING講, 有時性格係會自然慢慢變的, 我以前性格都好差冇乜愛心, 但係做咗人媽媽, 就要做個好榜樣, 於是就扮賢淑扮有愛心, 咁多年之後, 我真的賢淑同多咗啲愛心了, 如果唔係見番以前啲朋友, 我已經唔記得咗自以前啲惡行咯.呵呵...

每個人既性格都唔同，率直唔代表係唔好，有時直接d，唔轉彎抹角都係一件好事!
d男仔對你未有興趣，其實都未必係你性格或者外貌有問題既!或者係未遇到一個識得去欣賞你既男仔姐!

我相信如果個男仔係鐘意你既話，佢會係鐘意真實個個你，而唔係刻意去扮出黎個個你，佢會明白同接納你既性格同外表。如果個個人只係一味追求你有好好既性格同外貌，咁其實重係唔係愛呢？你更加可以諗下衣種人重值唔值得你愛！

我覺得做番自己就係最舒服，因為個個先至係真正既你！而男仔相信都唔會希望同一個虛偽既女仔一齊既，咁樣大家相處都唔會舒服。

如果你想傾深入d既，可以add我msn一齊傾丫!!! =)

MSN/ FB: [email protected]

人永遠都是做回自己最舒服,最自然,
每種性格都有欣賞的對象


縱然三時五刻的做作,
給討好,或可愛的假像,
但長久去免強目己裝出假面具去視人,
自己都十分吃力,而且終有一天會露出馬腳