同父異母的姐姐..

我家境都幾差下…我有一個同父異母既家姐,佢二十幾歲,我係中學生。我呀媽平時就負責比買菜+日常用品既錢,大約4000蚊一個月(佢一個月人工5千幾左右) 而呀爸就負責水電費同比我食LUCH既錢等等,呀爸月入大約7,8千,供完樓。而我家姐同呀爸既人工差唔多,佢平時LUCH就係帶飯既,夜晚都係係屋企食,佢一個月就比1500家用。 因為岩岩開始有工做既時候,佢因為要還返之前人地借比佢讀書既錢,所以就冇比家用,近來先有比返, 但係近來佢又已經還晒D錢,我呀媽就諗住草返少少錢等我大學用所以就唔想比晒全份人工落頭家度,大約每月草到1000蚊。而我呀爸每月用佢D人工都用得七七八八,我唔知我家姐係咪應該比多D家用? 講真佢平時除左返工(早上9點-晚上8點)就真係咩都唔做,家務大陪分係我呀媽做,我有時都會掃下地,摺下衫。我家姐D衫又多過人,我摺佢D衫仲多過我+我媽+我爸, 佢自己又唔摺下, 我摺好左放係度幾日佢都唔放返D衫入衣櫃。飲完湯裝碗飯都要呀爸幫。放左工就係屋企打機,星期六,日又帶佢男朋友上黎,買野食返黎食左既野又唔會扔落垃圾桶,淨係,放係度佢地成日打打下機就入左廚房唔知搞咩(呢樣係我最頂唔順),入去半個鐘冇咩聲出,不過有時就會出客廳拎紙巾,之後又開水龍頭,出黎之前就入廁所扔左D紙巾佢。(我諗佢地唔入房既原因係唔想咁明顯, 同埋我同佢同房訓,”LOOK架床”)大佬咁樣好難叫我唔想像佢做D衰野架WOR, 我呀爸呀媽係度果陣佢地唔夠膽, 係佢地2個都返左工果陣就咁樣, 真係超黑人憎! 點解次次都要黎呢度?又唔去佢個男朋友屋企? 我唔係管佢,只不過可唔可以去第2度呀? 我都試過同我呀媽講,我呀媽又同呀爸反映返,我呀爸只係話,佢大個女啦..咁樣… 大佬我未成年架! 每個星期都係咁,我就會驚,得自己係屋企…又唔好意思當面同家姐講

究竟佢應唔應該比多D家用? 你地又認為佢係咪應該做多D野幫頭家?(或者唔好做D騷擾我既事) 我可以點做先可以令佢地星期6,日唔好咁樣…