急需要人幫／傾計…關於前度。

跟住落黎既內容真係都幾長既.. 但都希望你地會睇落去：）
因為依加既我，真係好需要有人聽我講野，教我…

半年前(12月中)，我有個男朋友，叫做＂K＂啦。
咁我認，我個時都真係唔覺得自己好愛佢，可能只係為拍拖而拍拖。

咁終於有一日，就同佢因為小事嗌交，咁我又覺得自己唔愛佢，
所以佢講散我都無挽留，我仲要擺出一個唔ＣＡＲＥ既態度咁。
但係佢個時，就算講左＂分手＂之後，都仲係到同我嗌，
我個時只係覺得好煩，因為都話分手仲講咁多野做乜？
最後當然都係分左手啦。

而今年3月，有一日，我突然諗番＂Ｋ＂。
一諗，就諗到依加。簡單咁講，姐係我突然之間愛番佢。
可能唔叫愛？但我好掛住呢個人，由３月到依加，
一次又一次咁叫自己放低，但試過好多唔同方法都係唔得。

我曾經同自己講，可能你無拍拖咁耐（同Ｋ散左之後無再拍過拖），
覺得寂寞，先會覺得自己仲愛緊一個人，先咁姐，你唔係真係愛佢既。

跟住有一次，因為我用緊既ＦＡＣＥＢＯＯＫ　ＡＣ就ＤＥＬ左佢咖啦，
咁佢又ＳＥＴ左只係得朋友先睇到佢啲野。咁我發現我舊ＡＣ無ＤＥＬ到佢。
咁我上番我舊ＡＣ睇佢啲野啦，發現佢依加已經有女朋友，仲好幸福。
個晚，我睇完之後，我好似傻左，崩潰左咁，喊得好西利，
我真係可以話，個晚係我第一次，咁大個女最傷心既一晚。

我由３月就開始寫一本日記，個本日記係寫我每日對佢既感受，
我真係日日都有寫，曾經想放棄個時先無寫一排，但最後都係忍唔住。

我仲曾經同第２個人一齊，就係為左忘記Ｋ，我知我係好衰，
我係衰人，利用人地，但我發現就算身邊有幾多朋友，有無男朋友都好，
我都係會有個種好難形容既感覺，種感覺就好似，
就算你有幾千憶身家，但硬係唔開心，唔快樂。

而同第２個人一齊，我就有種＂你永遠都唔係Ｋ，永遠都無Ｋ咁好＂既感覺。
我唔係特登拎佢黎同Ｋ比，只係，好似無人可以取代到Ｋ咁。
我知我咁既諗法可能係好傻，因為人一世流流長真係好小會只係得一個愛人。
最後我都係同第２個人分左手，可以話係想＂專心＂咁愛Ｋ。

當然，Ｋ唔知我仲愛佢，唔知我愛番佢。而且Ｋ仲同佢女朋友好幸福好幸福。
各位，我可以點？我心入面既諗法係，一直等佢，幾個月，１年，３年都等。
但我啲朋友同我講：
＂人地有女朋友咖啦，如果人地真係一齊落去，去到結婚呢？等離婚啊？＂

我應該點做？
１）我唔知係咪因為我個心入面有呢個人，我真係接受唔到其他男仔。
２）我唔想放棄，而且佢唔值得我放棄（當然，值得呢啲野係我自己講既姐）
３）佢有女朋友，我應唔應該開始做出一啲行動去話佢知，我愛佢？
４）食回頭草，真係無好結果嘛？點解？
５）如果你地係我，你地會點做ＯＲ想點做？真係甘心咁去簡放棄？

我都好希望，
自己真係因為寂寞先愛佢；但我咁樣，點睇都似因為愛佢先寂寞。

唔該搵人教下我，我真係好辛苦，
每晚一諗起佢就鼻酸；成日就算有幾多個人陪我，我都有種寂寞既感覺；
一聽詩雅首＂到此為止＂就會喊；一諗起同佢之前既事，就會自己一個傻笑…

愛佢係件好幸福既事，但同時真係會令自己流淚不止。
Please help me.. 我真係已經唔知點做好，
之前既我已經del曬佢啲野，逼自己做好多野，逼自己去忙，但都仲係放棄唔到。
依加既我，直程已經唔想放棄啦。但我又可以點做？

Thank you ..