國企股票、民企股票、紅籌如何分辨

我只係識分國企同民企, 我都係問個投資叻既朋友, 佢好肯答問題, 分別如下(copy自佢個網址):
中資股主要分兩種.......民企同國企........民企既全名即係民營企業, 國企就係國有企業.......顧名思義, 國企係係中央政府直接或者間接持有既公司.......佢地既特點係公司架構冗贅, 決策既效率不足, 個個都係打份工安安定定既心態, 不過由於大股東係政府既公司, 所以阿爺一定唔會俾佢死........相反, 民企係由一般既中國公民白手起家 (好似蒙牛)....生意慢慢越做越大而最後上埋市, 因為佢地冇國企咁多限制同制抓, 所以效率高應變能力快, 所以佢地既盈利表現相對上會較好......不過由於佢地公司年資較短, 而且透明度唔高, 所以相對上公司既企業管治 (國企都唔算好好, 不過總比民企好) 唔多掂.........造假數, 爆鑊出事既機會亦較大........由於佢地各有優劣, 所以好難講投資國企定民企好D......不過當個市況唔太好既時候, 企業出現問題既機會較大, 咁相對上投資者對民企既介心就會大好多........相對上股價既走勢亦會較差 (因為投資者要民企有好大既折讓先會考慮去承受出事既風險)......

至於點分國企同民企, 其實最直接既方法就係去睇下公司既年報......年報入面一定會公開大股東既資料.....如果係國家機構會好易認得出......相反如果係一個人做大股東果D 就多數係民企啦........ .

2012-07-10 08:39:51 補充：
至於點分紅籌股票, 你都可以係佢個blog直接問佢!! ^_^