AL全FAIL 可以點?

真心問自己一句, 你點解想讀書? 唔好以讀書作為唔想工作的藉口. 今時今日副學士/高級文憑畢業唔代表好出路. 有些畢業生同中五/中七爭工做, 人工同中五/中七畢業無分別, 甚至更差. 如果你想用asso/hd升大學, 你未來一兩年真的要好用心讀. 唔好信宣布話有七八成入大率, 兩者上UGC資助學位係難. 讀ASSO/HD雖然計功課分, 但都係要讀書, 低GPA要上大學係好難, 你自己喜唔喜歡讀? 有無能力讀? asso及自資學位學費貴, 認受性參差不齊, 有d人讀完爭人好多錢, 人工不高, 每月要還幾千, 比埋家用及其他開支所餘無幾.

有d人無目標無方向, 見人話讀書就讀書, 問佢點解讀書有乜目標唔識答. 問之後點就話讀完先算. 讀乜就話唔知. 搵乜工又話唔知又怕辛苦又怕由低做起, 咁樣心態讀書並無得著, 浪費時間金錢.

我唔係反對你讀hd/asso、去內地/外國讀書. 如你有明確目標付諸實行, 諗清楚自己想點, 知道課程點幫你既就繼續. 如果你hea住心態讀書, 又唔係讀書材料, 早d出去打工仲好.

你睇下上星期四新聞透視--學歷何價就知現今副學士畢業生面對的景況.

仲有, 臨放榜會有大量打手到處宣傳, 資料要小心睇同比心機search清楚, 有d宣傳真係害人不淺. 你可以去教育局或學友社網頁睇下中七生出路資料, 再花時間搜集資料, 做好planning, 再自我思考, 諗下放榜當日點算.

網友Anchel中肯=]=]
想讀書
先問自己點解

可以報讀副學土或high dip