應否繼續下去?

我半年前鍾意左一個女仔,
第一個月識佢既時候,我地都成日用msn傾計, 大家個關係都幾好, 好多野都會傾.
但到兩個月,佢發現到我鍾意佢,之後就慢慢避我, 最後我表白左,佢拒絕左我.
咁我就無同佢講野一排,
到左前1-2個月, 因為有啲小事,我同佢又再次傾番計.
唔使好耐, 我同佢既關係又變番之前咁, 或者可以話仲好過之前.
我有咩心事都會同佢講,佢有咩心事都會同我講,
大家可以話岩哂嘴型,成日都會用msn傾計.
當我以為最有機會既時候, 佢同我講自己鍾意左第二個男仔.
我真係唔知點好, 個男仔未必鍾意佢, 但佢又好鍾意個男仔,
由於暫時得我一個知道佢鍾意緊果個男仔, 所以佢有咩煩惱都只會同我講.
但聽到佢話自己有幾掛住果個男仔, 我心入邊不其然咁痛左出黎.
呢一刻, 我真係唔知點算好.
我應唔應該繼續選擇等佢?
定係死左條心算, 迫自己放低?
佢拒絕過我,依家又鍾意緊其他人, 我都覺得機會好微, 但我真係好鍾意佢.
唔知大家有冇遇過呢個情況, 如果有, 你地係點做架?
如果無既話,可唔可以都比小小意見我? 謝謝!