F.3 選科~選文/理

2012-06-23 7:50 pm

✔ 最佳答案

我係讀緊新高中選修兩個理科(BIO+CHEM)的學生

但係其他FD話上去F.4, BIO, CHEM 會難好多,5會似F.3 甘容易,我有D驚會讀5到......其實係咪會完全5同??
其實你的朋友講得很對，中四生物化學真係唔會好似中三直接問咁容易，但係佢地話會難好多呢多唔多呢樣嘢因人而異，可能係上到去應付到或者應付唔到兒家唔會知，千其唔好用中三生物化學的成績嚟衡量，你中三呢兩科成績好唔代表中四都會好，如果你上到中四發現自己生物化學原來底子好應付到咪唔會覺得難好多囉，呢樣係要你升到中四先知。不過我可以話你知呢兩科的難易程度比你了解下再決定選唔選，可能我講完之後你會覺得唔係咁難架姐或者都幾難喎。
其實唔會完全唔同，係D題目會比較高層次同要轉彎，Bio呢科唔係純屬背，你讀咗就明白就算你將成本書背哂都未必攞到高分，因為D題目唔會好似文科咁問得好直接，其實我都唔係好識講，講個例子睇下你明唔明，例如我Bio份考試卷有題間接咁問係食得多鈣會點，但係書通常都只係會講吸收鈣的重要性架咋嘛；又例如我無幾耐之前教完人體的運動果課(即係講骨同肌肉果D)，書只係講手的活動佢D題目出腳(腳同手有少少唔同)；再例如我發覺生物科有好多關於人體的課D題目都好鍾意問如果某人在手術中切除了(身體的某部份) / 意外受傷，問你有咩影響，但書好少會講無咗(身體的果部份)會點。
到Chem，D問題無Bio咁....(我都唔識形容)，但係會比Bio煩，因為佢比生物多咗樣嘢就係計數，Chem好難舉到例子個人認為佢易過Bio只係佢煩起上嚟真係可以搞到你好煩，我都經歷過做數同練PP卷(即歷屆試題)操到燥咗，提起PP卷我又想話呢理科其實同文科差唔多背咁多嘢，但係理科背完溫完考試唔係文科咁可以從帕copy and paste背哂落去成題就攞滿分，所以無論Bio好Chem好Physics好都一定要操PP卷，教我生物果個老師同我地講過你用十個鐘溫就要用返十個鐘做Past Paper，當然唔洗咁多即係想講兩樣嘢都咁重要要平衡一比一咁，所以呢理科呢家嘢你考試前一日先溫書係肯定唔會攞到好成績，所以當你睇完上面之後自己諗下難唔難勒(始終有人會覺得難有人覺得唔難)。
(我文科好+ 數成積飄忽+好驚作文)--揀理係因出路好D
我選咩科會好D??
我想問文科好點解又好驚作文？揀理科係真係出路好少少，不過都要睇返你第時大學想入咩系或出嚟社會想做咩職業，唔係話理科出路好D就揀理科，例如(只是例如)你大學想入文學系 / 法律系但就係因為理科出路好D揀咗理科咪浪費囉，所以雖然兒家只係中三選科距離DSE都幾遠但已經要諗得長遠D我都經歷完無幾耐，當然都要睇你的興趣同能力啦，但係我覺得你的志向係首要考慮囉好重要架。選咩科好就係要睇返你上面講的三樣嘢，不過我建議你(只是建議)選理科會好D，即係ECO+CHEM+BIO。
我記野好好~~係咪即係岩讀理科
講真呀001同002可唔可以唔好答得咁求其，一兩句就完咗叫人地自己決定，記嘢好好即係岩讀理科係完全錯哂既，我想講兒家新學制係無一科唔哂胄嘢，就算睇起嚟好似只係不停計數的Physics都要背架，雖然我無讀但我有D朋友有讀佢地都要背公式同埋其他文字上的嘢(例如D唔知咩力向的定義)，所以文科都係要背唔係話記嘢好好就係適合讀理科呢個係謬誤001誤導咗你，同埋我上面都有講記嘢好好唔代表噝理科就大哂，因為理科唔止背咁簡單，又要背又要計又要操，用文字表達的能力都要有返咁上下，因為理科都有essay(即論述題)要你寫，仲要表達能力都已經佔成題三分(通常理科的essay一題九至十分)雖然無文科的論文咁長，咁理科就算將成本書背哂咁又點，記嘢好好唔代表岩讀理科文科亦都可以。

打咗好耐打得好辛苦架真係，希望真係對你有幫助啦！！

2012-06-23 11:56:29 補充：
打錯唔好意思應該係「我想講兒家新學制係無一科唔洗背嘢」

參考: 讀緊新高中選修兩個理科(BIO+CHEM)的學生

👍 0 👎 0