同朋友相處得好辛苦,唔知點做 (20點)

我係學校上年f3開始同三位唔同性格既同學開始熟
因為同班既關係,大家都玩得好埋,做咩都幾乎一齊
考試前約埋一齊溫書,考完試行街食飯唱k
同佢地相處得好開心架

但今年升左上f4要選科,
佢地三個選左同一班,
我就因為選左唔同既科目就同佢地唔同班
今年開學冇耐都okay架,都好似上年咁冇乜野

但慢慢我地既距離就遠左
佢地因為同一班,傾計都有共同話題
我就插唔到嘴做旁聽(我本身唔係健談既人)
佢地真係好似三姊妹咁做乜都一齊
學校有咩活動同event佢地都會自己去join,
冇問過,邀請過我一齊玩
咁我就問佢地:點解你地玩呢樣野唔同我講既?
佢地就話:都見唔到面,一係就話:你都冇提起...

上學期都有一齊食lunch,但下學期就開始冇一齊食,
原因係佢地要早返,同埋我地班lunch老師成日遲放,唔想等我

咁我就好無奈咁同其他唔係好熟既朋友一齊食,
我都會尷尬,我同d一齊食lunch既人佢地都有自己既朋友,
成日join佢地會唔好意思

好啦,而家岩岩考完試,考完試緊係要hea下輕鬆下架啦
咁我就早左成個月約佢地話考完試去唱K呀乜野,佢地都話好
到左而家,佢地就轉哂態度,話唔想唱K(本身佢地都係鍾意出街既人)
要訓教喎

我就問佢想做咩,佢話想睇戲
咁我都OK啦就下佢地
當個個企埋一齊個陣,我問佢地想邊日去,
冇人應我,迴避我眼神

我重複問左五次以上,都唔理我,
佢地自己轉移話題講其他野,當我透明
係個一刻我真係好難過,因為唔只一次係咁

我問佢地:係唔係唔想去?
阿A就講:問阿B啦唔好問我
阿B就話:阿A去我就去
阿A又講返同樣既野

咁我明啦,唔想去就係唔想去
我明佢地想訓教,
但係最尾最激氣既係阿A呢排日日都約左一個人,一個我唔係好Like既人
而唔係訓教

我見到我個班既人都同隔離班既人玩得好埋架喎
我真係唔明我做錯d乜,可能我太靜or whatever,
但佢地對我既唔瞅唔采令到我好難過
同佢地相處得好辛苦,
但我只係得呢幾算係best friend,
散左就冇

咁我應該點呀?
問佢地咩事,OR 一刀兩斷
定係挽回返呢段friendship?