呢個問題己經困擾左我18年喇

我好想搵人解開我以下幾個結:
1.我係一個好少講野嘅人黎嘅,以前嘅我就覺得唔講野都冇乜所謂,因為都冇咩好講,但自從最近返左工之後就好唔同,我覺得人與人之間一定要有溝通,因為唔講野人地都唔知你諗緊咩,有個工友教過我『多D講野/傾計喇 傾得多先之了解得多』
我有努力去試稼,但我都搵唔到話題,就算搵到都唔多唔過6句就冇野講,跟住就靜左落黎,我成日係停左落黎,好鑑介。有陣仲有D覺得討厭自己的感覺,好痛苦。就算有人主動同我講野我都唔識答佢,就好似有人行埋黎同我講笑,我都唔知點算好。我好想好似人地咁講野講到冇時停,講成幾個鐘都得(我真係見過),又識得講笑。
2.我成日同人講野都會笑,唔理係朋友、同學、唔識嘅人同我講野我都會笑住同佢講野,有次返工果陣時有人嚴肅咁問過我,點解你成日笑?我都係一樣,唔識答佢,跟住佢接住講落去一直係咁講,佢講講下我又會笑返,都唔知點解有咩咁好笑,我唔想笑稼,佢仲提左我2次,唔好笑我好嚴肅,果陣我真係感到自己好討厭。笑笑笑,有咩咁好笑,明明係一個嚴肅嘅時候,我係到笑。註:唔係大笑,係徽笑。
3.我係一個廋嘅人,我唔知點著衫好,我知形象係好重要,但我就係唔識著衫/褲/鞋。我次次出街都見到D人著衫著得好好睇,自己就....。髮型都唔知點整好,好多油,M字甩頭髮、稀疏,有人講過好似草咁,我唔識去改變。係咪要睇醫生,要同邊科醫生求助(頭髮問題)?仲有唔知點解一出街好多汗出流,係好多好多。怕自己身體出咩事。
4.點樣先可以成熟D,成日俾人講個樣似15歲,講野、衣著、動作都成個小朋友咁。