男友提出分手...話做返朋友..好辛苦好痛呀

我同我BF識係上年既12月既..佢係要係外國讀書4年..年中有長假期先會返黎1,2次
之前佢都一直諗緊煩緊要我等4年呢個問題..我會唔會辛苦..我話唔會..
我地一齊既日子都有嘈過交...但多數都係因為我d小姐脾氣+對佢缺小左信任..
成日都好怕佢果邊會唔會識第2個女仔/有第2個溝佢..我都唔知點解會咁諗 :(
而係今年4月..佢有提出過1次分手..因為我發佢脾氣衝動講左句 分手啦 ..
佢果陣因為覺得 既然我同佢一齊我係咁辛苦..成日令我唔唔開心
所以佢覺得我地再一齊冇結果..想早d放手..以免遲d我地有問題時黎散仲傷心..
我知道佢永遠都係為我著想..係我d死人脾氣又呷醋又衝口而出..成日都話佢..
我知自己錯...所以挽留住佢..想佢比個機會我重新開始過..改過..最後都一齊返..
跟住一直都好好既 但就因為佢次返左黎....
今個月係佢返黎既日子..咁岩都係我exam既日子
我地都搵左d日子出黎見 順便佢幫我溫下書...好sweet架
但佢都要同佢屋企人/朋友聚會..好多日子都比fd約..所以見到既日子不多
但就係前2日..我唔知做乜事又發脾氣..係同佢傾電話果陣埋怨
點解你返黎hk 21日..靜係見得我4日..全部d時間比曬你d fd! :( 之類..
佢話好多日都比同學/fd約左..都有同我say sorry...但我仲嬲緊...
之後佢星期二/琴日可能又約左人..唔見左影..電話都冇搵過我..搞到我又嬲..
跟住佢琴晚就同我講,.. 我地做返朋友...
我打比佢..佢話唔係因為我錯...係佢問題..
佢話前日係到諗清楚..其實我唔係想像中咁愛你..本黎想等我exam完先同我講..
唔想影響我exam...佢又話之前誤會左對我好感就係鐘意..e加諗清楚唔係愛我..
話我唔係佢想一齊既人....唉
點解可以2日前好 2日後突然提出分手..(佢冇第2個)
我接受唔到..佢話過唔走..好愛我..
我真係好愛佢...但佢話要做我好好好好好朋友..話過左去就過左去..
叫我忘記佢...搵個第個更好既...
我好辛苦..好難受.....話忘記就忘記咩..明明好地地..就無啦啦完啦..
我好想同佢一齊返...我真係好鐘意佢..
我知道我d臭脾氣累事...唔係我d臭脾氣就唔會令佢成日自責..要放手..
我好想同返佢一齊...我可以點做...我感覺到佢仲係好關心我..仲愛我;(
佢琴晚同我講電話..佢都有喊..果種喊我feel到...唔係扮..
愈叫我放手我就愈難受.....點算呀...喊到頭都痛 溫書都冇心機溫...
今日份卷..都白左......我..好辛苦.......救命..點算....