想學化妝,邊間化妝學校比較好?

其實你唔洗真係特登去化妝學校化妝, 點解你唔自學呢?!
你可以買返本雜誌睇下點化妝都可以架...
不過化妝你先有化妝品同埋化妝品用具先.
不過如果你可能開頭會慢少少, 不過你慢慢日日試化, 熟能生巧架啦

首先, 化妝一定要底妝, 如果你skip左呢個步驟, 妝就冇咁完美架啦, 而且你有左底妝, 睇落皮膚都好啲

底妝:
- Makeup Base (隔離霜)←好既隔離霜通常都有埋防曬同埋可以幫你調較返膚色 (例如你皮膚偏黃, 可以用另外既顏色較返冇咁白; 而且仲可以隔走大部份彩妝物, 令你既皮膚冇咁傷) e.g. 可以用植村秀既妝前泡沫 (皮膚偏乾性建議由泡沫轉底霜)
- 粉底 (BB Cream/ 粉底液/ 粉底膏/ 粉底霜)←依家大部分人都用bb cream, bb cream有多重修護功用, 而且有部分既仲有防曬等多功效; 而且有部分既bb cream唔會太厚身, 容易打造裸妝效果
- 補妝 (碎粉=蜜粉)←化妝如果你想個妝更持久, 可以用蜜粉來補妝, 避免溶妝 (如果用蜜粉掃皮膚睇落更細嫩)
- 腮紅=胭脂←有橙色, 粉紅色, 橙mix粉紅色都有. (通常用完粉底都見唔到你原有既天然胭脂, 要用返胭脂打出來. 不過要記得避免胭脂太濃, 可以先喺手打圈, 減淡隻色之後先上面, 否則就變馬騮pat pat架啦)
-打亮+打陰影←打亮係幫你變得輪廓分別; 另外打陰影都好重要, 就係修飾你既面形 (用打圈方式上面會更好) 另外陰影粉可以打埋鼻影出來, 令我地有個錯覺個鼻睇落更高
*-遮瑕←如果皮膚好就可以唔洗用, 差既就要用

重點妝:
- 眉 (眉粉/眉筆/眉gel)←眉粉看起來會柔和; 眉筆可以仿眉毛生長, 比眉粉持久; 眉gel係幫你既眉毛定妝, 而且染成你想要既顏色 (通常係啡色, 淺啡, 灰色, 黑色) 最後畫眉比髮色淺
- 眼影←幫你隻眼加色彩感, 睇落會更好睇
- 眼線 (眼線筆/眼線膠/眼線粉/眼線液)←眼線筆岩初學者用; 眼線膠要用掃附用, 比眼線筆更持久; 眼線粉是最自然 (唔建議配眼影用); 眼線液同眼線膠差唔多, 不過大多數係筆款, 而且更鮮明, 能畫出有神既眼睛 (如果係單眼皮, 雙眼皮既人, 一定要防水既眼線; 雙眼皮可以唔洗揀太防水既用品 *如果唔怕溶妝)
-眼睫毛膏←幫你拉長你既真睫毛 (如果想更持久可用底霜e.g. MJ) *當然一定要睫毛夾; 如果想睫毛更捲, 可用睫毛器
*-假眼睫毛←如果想眼更大, 可用假睫毛 (要買假睫膠水)

唇妝:
-唇 (唇部遮瑕/唇膏/唇彩)←唇部遮瑕能將你既唇色/唇紋遮蓋(有需要要用); 唇膏同唇彩差唔多, 不過唇彩可以幫你加光澤感

仲有, 化妝掃都要買, 不過要揀毛質好, 平滑就可以
如果睇雜誌都唔明, 可以上youtube睇人化妝
Bren Lui 大佬B
http://www.youtube.com/user/brenbrendada/videos

Katy Cheung (Katy Beauty)
http://www.youtube.com/user/katykissbo/videos

Sasa.com Beauty Channel
http://www.youtube.com/user/sasadotcom/videos

我都係自學, 多睇雜誌同埋佢地化既妝就識
然後自己試化就識架啦

2012-06-21 10:54:52 補充：
*如果有唔明, 可以再發問, 希望可以幫到你啦 (其實化妝真係好簡單)

2007 年聯合香港公開大學李嘉誠專業進修學院開辦全港首個專業化妝文憑課程, 為職業教育開創新的方向, 並為技術主導的訓練提供高等專業的資歷認可. 非常作(Make Up For Ever Academy)是香港首間推行國際認可專業化妝師文憑考試的學校。致力於化妝教育的改革, 提昇專業化妝師的地位, 成績有目共睹。課程已被列入持續進修基金 (CEF) 「可獲發還款項課程」, CEF號碼為28F05331-A。學員最高可獲發還一萬元或八成學費。(詳情請瀏覽持續進修基金網頁 www.sfaa.gov.hk/cef)

* 「創意形象造型及化粧學專業文憑」在資歷架構下獲得認可，資歷級別屬第四級，資歷名冊登記號碼 (08/000300/4)登記有效日期由2008年5月5日開始。