F3揀科問題 (bio vs bafs)

其實現時你所讀的科唔會對你前途有甚麼影響
因為大學係唔睇你讀咩科, 而係睇你公開試成績係點
除非你想做醫生or藥劑師 (呢兩樣就一定要讀chem)
所以你揀科唔使諗有咩出路, 淨需要睇自己對個科既成績+興趣

bafs我唔知你學校係揀account定business, 我學校就係揀account既, 我就覺得bafs唔算難, 而且同econ的確有D關係, 你econ+bafs一齊讀係會舒服D既(我有fd係讀呢2科, 佢都話2科一齊讀係幾有幫助)

至於揀bio既話, 你就變咗文理商一齊讀
事實上係會辛苦D, 但如果你真係鍾意, 同埋你bio成績唔差既, 咁文理商三科一齊讀冇咩嘢 (我自己都係讀緊bafs, history, physics)

讀真, 我覺得你要睇番自己係對數有興趣D, 定對背嘢有興趣D
bio係要背好多嘢, 但如果你背嘢幾好, 又對bio有興趣, 咁你不妨選擇bio
但若然你鍾意數字多D, 你就可以揀bafs(假設你地學校係揀account, 就一定係對數字多, 但如果係business, 就可能會背嘢多)

其實揀科最緊要係興趣, 有興趣先會讀得好,所以唔好只係因為驚難讀或者驚冇出路冇前途而決定你讀咩科, 冇興趣係一定唔會讀得好:)最緊要係唔好後悔, 揀咗唔會遺憾讀唔到另外一科, 所以興趣係最首先既考慮因素。聽你咁讀落你又好似幾鍾意BIOwo, 咁真係要諗清楚, 唔好諗BIO冇咩出路, 要諗吓如果只考慮興趣你會揀邊科:) 咁如果你兩科都係好想讀既, 咁先考慮出路啦:)bio係難讀多野記, 但bafs都未必咁易, 冇咁簡單就可以話邊科易d, 每一科都有難既地方, 就睇吓你有冇咁既興趣+心機去突破佢:) 要預咗上到f.4係辛苦架啦, 但就睇吓你會肯擺多d心機落bio定bafs再決定啦:)

2012-06-22 00:46:36 補充：
要諗清楚呀揀咗果科會跟你3年:)

鍾意咩科就簡咩科la :)
到時千其唔好後悔就得啦
因為其實科科都好辛苦
咁不如就讀自己想讀既科啦!:)