冷氣學徒前途 ?

條數其實好易計,而家你做學師仔有500蚊,你就睇下大師傅,大師兄而家搵緊幾錢,例如做大師兄做3年就加到700,咁大師傅做左6年就800.

咁你會睇到,原來好快都可以升,升左就加人工,同時,就係意味住,職位既替代性十分之強,而且有升到盡既問題,簡單黎講,做到大師傅咁又點,都係一對手做,生產力係有限數,間接影響人工冇得再加.而你新入職,轉捩點係你將會可以獨立工作,真正幫公司搵到錢,呢一刻已經係你呢行黎計,最輝煌既一刻.

所以,係行業路程上要不斷轉型.

ps:電工a牌其中一個要求係5年相關工作經驗,好多人都攪錯哂個定義,以為做左5年工程(儘管真係做電工)就當係,其實,呢個經驗係要由電業註冊承辦商確認,舉個例,如果你親戚係冇承辦商牌,你係佢公司既工作經驗,係唔會得到發牌機關承認.

2012-06-20 11:23:16 補充：
仲有可以講多小小,500日,我唔知對你黎講,係高人工定低人工,而我個人就要企2個位去睇呢個問題.

咁我先講左一樣野先,就係人工高,你都要知道,出黎打工就係商業行為,老闆出糧比你,唔係話貼錢比你學野,但點解都仲有500蚊呢?呢個留番個空間比你去想下,或者諗到11月你就會明.