中四留班，有咩出路？

　　我係一間band2頭band1尾幾英中中四學生，今年既通識唔合格，其他科既成績都好差，所以學校要我留班。
　　
　　我知通識呢科好睇個底，我自問已經盡左力去做，但係能力唔得就係唔得，而且呢間學校既態度唔會比同情心，所以讀書風氣好絕望，我同其他幾個同學既情況都係一樣，依家我地結果要留班，所以就盡早計劃。
　　
　　但係我既個人選擇唔會留班，我唔想同一批好勁既中三升上中四既人一齊讀書，我同佢地一齊讀書會壓力好大，讀書既心態一定會差過依家，所以我個人唔想比多一年時間重讀中四。
　　
　　而且，因為呢間學校既老師同環境既風氣都係一種壓逼感，所以我讀左４年中學，係學內我冇真心開心過，每一日就同上刑場冇分別，每一刻都要驚住唔好會比人踢或者留班。
　　
　　我同幾個留班同學都認為，就算我地選擇真係留班，我地知個情況都係會一樣，又係盡左力，成績往往都會比你預期中既結果(只係合格)低十倍，而且正如我頭先所講，呢間學校唔會救我地，就算呢間學校知我地係比心機左，佢地腦裡面都只會諗，唔合格=留班，唔會比機會你做任何補考或者溫習既方法比你升班，佢地只會係諗，你留班就係留班，唔會再有計傾，所以就想盡早搵定後路，而且想問一啲問題：

1.讀專科既話，有咩學校可以選擇？
2.承上題，收我既機會大唔大？
3.英中中學收唔收我？
4.ymca我問過，唔收外來學校既學生，其他中學會唔會都係咁既情況？
5.遵理係一間 咩學校？佢既讀書模式係點？
6.如果真係全港既英中同專科學校都唔收我，我仲有咩出路？

希望有同類經驗既人可以幫忙解救。