鄰居惡意噪音問題

我係住公屋既，自今年二月，隔離屋買左佢地住緊嗰個單位之後，就日嘈夜嘈，無論星期幾都係咁.........

星期一至五既話就有時晨早流流五點幾就係度發出D敲打聲，有時就七點幾或者八究點係度嘈哂，但係到到晏晝就會好靜只係偶爾會BOOM幾下，有D重野掉落地下咁樣..............

星期六日就大獲喇，佢地會有朝嘈到黑，直到佢地訓覺嗰一下維止..........

另外最擾人既係，隔離屋每一日夜晚六點打後都會好嘈好嘈，成日都突然之間好用力咁拖桌拖椅，發出D好尖耳又大聲既噪音，一係就係度唔知敲打D咩同BOOM我隔離幅牆，佢而家直情大聲到我錄到音，每日都要直到佢地訓我先有安靜日子，但係佢地又唔早訓，至少要到十二點打後先會靜.............

有同隔離傾過，佢地死口唔認，但係嗰日仲嘈過平時好似報復咁.......
有時真係頂唔順係廁所同埋我間房(受災區)大聲罵唔好嘈佢地又聽到停一陣，之後又黎過..........

我地有請過石Q上黎，佢地都聽到，走去拍佢地門，但係隔離屋就揾佢兩個仔女擋扮唔係屋企，等D石Q一走左又黎過...........

請問有咩辦法可以阻止呢個問題........我地屋企成家都受到好大影響成日都病，我仲瘦左成十磅，覺得好似就黎痴線咁，成日個人都覺得好緊張好唔安落，一聽到嗰D聲就會手震好嬲好想衝過去拍門.........
我好驚我真係遲早會痴線走過斬人..............

請問有咩辦法可以解決.....?