業主不肯維修/更換熱水爐, 租客怎麼辦?

各位, 你地好, 有無識既人可以幫助我?

我的情況是這樣的:

我同前業主租的樓, 簽的約。 租咗之後, 依家呢個業主買咗個單位。 其實我租, 佢買兩者相差時間不過一個月左右。

但就因為, 我租先, 佢買後, 跟住佢就咩都唔肯幫我整。

話係我整壞啲野, 佢唔會維修任何野。

個熱水爐壞左, 我開頭都諗, 如果少少事我可能可以自己叫師傅來整下, 唔想勞煩到佢。但我打去原廠問左之後, 先知原來部熱水爐已經用左十幾年, 仲要係係第二度拆過來裝既, 咁呢個咁多年既電器, 無理由要我整啊? 個師傅幫我睇完之後, 同我講個膽燒左, 無得換膽, 只可以換部新既。 我一個租客, 無理由租個地方姐, 要換一部新既熱水爐俾佢啊? 點計都唔合理囉。

打電話俾業主, 道理講唔通, 佢直頭收我線, 傾都唔願同我傾。

請問各位, 我可以點做?

我打算下個月租金唔交住, 等佢有時間同我講野先, 起碼要當面傾掛。

但係我都需要一個解決的方法。

多謝有心人仕幫忙！


附上當時所簽租約有關條款：

（請有識之仕幫手眼下, 以下租約條款與法例是否有衝突, 若有衝突, 法例是否會保障租客? 再來, 我當時簽左兩年約, 一年生, 一年死。 若我堅持要業主幫我維修熱水爐, 業主是否有權終止租約？）



1. 承租人在租約滿時搬出，若無拖欠租金及水電雜費，無損壞該單位任何設備，出租人須將按金無息退回歸承租人。

2. 租賃期內，該單位內若有任何設施損壞，例如塞渠、水箱或龍頭漏水、窗門鬆脫、電力中斷等的室內維修、概由承租人自行負責修理，而外牆或公共設備的維修則由出租人負責修理。

3. 承租人在遷入時，已檢視該單位所有設備均完善良好，包括水電、門窗、星盆、坐廁、水箱及渠道暢通，（其他設備包括冷氣機壹部、熱水爐壹部。）承租人於遷出時，須將該單位完整交還給出租人，如有損壞需在按金扣除修理費用，出租人不負任何責任。

4 承租人必須對租賃單位內的電力和冷氣機的安全使用負全責，出租人不負任何責任。