佢當我係朋友?

之前有個男仔係fb inbox我,話想識我,因為係隔離班,所以日日見到面,就話想做個朋友,我話好,我的朋友就話佢想溝我,我之前聽到佢同人地講,話我好令,我係第一個佢主動加fb既女仔,又話成日睇我d相,搞到我好開心,又有小小中意左佢
我而家識左佢2個月,我地差唔多日日傾計,咁短時間就傾左六千幾個message,佢最近又約我睇鬼片,話鬼片係要約女仔睇,又搞到我以為佢中意我,但佢話同我傾計好開心好relax,咁樣睇落佢又好似當我係一個好好既傾訴對象,佢周不時都會問我有冇掛住佢,我問返佢有冇掛住我,佢就答yes,我又開心,但諗落我咁樣問佢,佢冇理由答no,咁一定答yes嫁
的確,佢係好重視我,但佢份人係個個都重視,無論係朋友定戀人佢都好重視,佢話去睇戲,但又冇講過幾時去睇,好似同我講下笑咁,我淨係想知佢當我係朋友定佢都對我有意思?因為當我以為大家只係朋友咁簡單既時候,我地傾傾下計又會聽到d比較尷尬同令我誤會既字眼,搞到我又放唔低,仲係中意佢,究竟佢當我係點?