✔ 最佳答案
002:
坑口體育館喺培成路架... 竟然點人去寶林...
搭港鐵都唔係好遠姐,既然你唔想搭,一係搭專線小巴15/15A(坑口方向,$3.9)囉,喺坑口北總站落車,再以斑馬線過對面,向之後車行嗰個方向行,去到健康中心嗰個位左轉入去就到!!
15A喺新都城(茵怡花園)循環會穩陣有位,15因由康盛嗰邊開出,可能因滿座上唔到車; 九巴296M($4.6)會先經尚德,唔建議優先乘.
回程最好係行去寶寧路搭專線小巴103(觀塘碼頭方向,$5.6)去觀塘(工業中心附近)落車. 又或行返去坑口北總站搭九巴98A($5.4),不過後者要行埋翠林康盛嗰邊好慢. 去藍田就可以乘專線小巴18($13.5),但因為本身去北角,會幾貴吓.