✔ 最佳答案
愛人如己,但係唔係全部人都值得人將偉大嘅愛畀哂全部人,只因唔係全部人都值人愛。正如做黑心食品賣畀你食嘅黑心商人你會唔會因為愛而食哂佢做出黎啲嘢?我地會因為出於愛,就數另一半入廚做出哂幾難食嘅嘢,都會因為唔想令佢唔開心而食哂。但係你會唔會明知啲黑心食品食咗會中毒死嘅都食哂佢?
愛自己嘅仇敵?有愛又何來仇敵?稱得仇敵就一定唔會有愛,古語有云︰化敵為友。有愛就係友,唔係敵,是敵非友就必定無愛,如果你將愛心畀你嘅仇敵,你內心就一定唔可能再視對方為仇敵。所以無仇敵嘅人係得到愛,得到愛嘅人就唔再係仇敵。咁愛仇敵E句話本身就已經係錯咗。如果係對方視自己為仇敵,咁你所做嘅一切,包括愛,對方都會視為惡,拒絶接受。根本就無可能愛仇敵。
總結︰點愛?的確係好難,因為本身意思已經錯咗,無可能做得到。情況就好似︰有A,B兩隻門,A門入面有一個開關,可以開B門同時關A門。B門入面又有一個開關,可以開A門同時關B門,但係兩個開關其中一個開住,另一個就唔會有反應,咁點先可以用開關將兩隻門打開哂佢?
---------------------
| I/O | I/O |
| | |
---A------------B---
答案就係同你條問題一樣︰無可能。