我係咪太自私?

自問係一個慳家嘅人,平時都有儲錢,
唔係亂洗錢,成日買貴筆,買飾品果d
d錢都係留黎放假玩,一係儲埋儲埋

咁近排考試,
我用左50幾蚊買左d零食返屋企,
其實我唔諗share比屋企人
買果陣都冇諗過要share
(我零用都唔算多,一個月二~四百蚊到,唔定)

咁我老豆上次拎左我一包辣魷魚
我就話:你做乜食我d野?
本來關係都唔多好,唔點講野都3,4年,
之後依家關係仲衰d,

但係我又唔覺得有咩問題- -
咁我屋企都係好少買零食果d
呀媽買返黎果d咪公家lo
佢地又唔會話特登買埋返黎請我食
咁我點解要請佢食呢?
再加上我家姐成日話我自私點點點
[屋企冇野係你嫁,搬出去住呀]果d
就更加唔想share

我平時有時借$比同學,朋友,(我係2蚊都會還果d)
幾蚊唔記得比返我都算
但係我係屋企就一定會死追爛追
幾蚊都要計著計著(esp對住我家姐)
特別係佢叫我幫佢買野果d
因為我覺得就係熟先要追
返而我覺得你借錢都唔還先有問題
我係連我呀媽7,8年前飲左我支芒果汁都仲記得嘅人黎= =

其實我係咪真係好自私呢?