✔ 最佳答案
咪就係!!
仲有嗰D地方先至係有直車去囉!!
2012-06-15 15:36:18 補充:
如果由良景、田景、建生、寶田、新墟、市中心出發,可以直接搭九巴260X($13.8)~~ 新墟可以行去屯門公路紅橋上車; 市中心出發可以行去屯發路近屯仁街或華都上車; 早上大興邨另有九巴260X既特別班次.
去到新港中心落車,向前行一間就係力寶太陽廣場!!
如果由屯門碼頭、新屯門中心、龍門居出發,平日朝早繁忙時間有九巴259B($13.1)直達,喺九龍公園徑落車,向車頭方向行,左轉北京道,右轉廣東道,行一間就到力寶太陽廣場!!
如果由恆順園、置樂花園、三聖、黃金海岸出發,平日朝早繁忙時間可以搭九巴252B($11.9),之後喺中間道落車,過對面,轉入中間道,右轉九龍公園徑,以隧道過對面轉入北京道,再右轉廣東道,行一間就到力寶太陽廣場!!
最後富泰、兆康、景峰可搭九巴267S($12.5),落車點、行路方式與九巴252B相同.
當然亦都可以乘西鐵線(尤其是兆康、新墟一帶)去尖東站L5出口出,經隧道上北京道,右轉廣東道,行一間就到力寶太陽廣場!!
2012-06-15 15:37:34 補充:
以上路線中只有九巴260X同西鐵係全日服務,其他都只有平日朝早繁忙時間服務(另259B下晝有回程)
2012-06-15 15:41:15 補充:
友愛、安定、豐景園可搭九巴260B($12.5),同樣只有平日朝早繁忙時間服務,落車點、行路方式亦與九巴252B相同.