MG 新安洲 電鍍塗裝 魔幻紅問題

因為魔幻紅係透明色系，所以如果做電鍍效果的話是可行的。如果上色的話，本人建議先上灰色底灰。因為要上幾層色所以我建議上底灰都用噴槍上。上完底灰後，先噴光沢黑(幫助發金屬色)，例如gaia 002 pure black。乾後，再上gaia 的銀色油，例如gaia 002 star bright silver，但要注意，如果想做到gaia 油獨有的金屬色閃亮效果，就必須要用gaia的專用開油水T09。乾後，就噴魔幻紅，建議先噴左裝甲位中難噴到的部份先，再全件甲平均噴。最好第一次噴係薄噴，等乾後再一層一層噴，避免噴得太濕會溶左D底色。
有D人會由金色代替銀色做中間o個層，可以做到紅裡透金的效果(好型~~)，亦都有助透明紅發色。金色的話可以用gaia 122 star bright gold。
上完水貼可以噴多層光油，但建議用噴槍上，亦要注意天氣唔可以潮濕。如果想做到真正的電鍍效果，就噴多幾層光油，最後做埋抛光，就抛到照得見人，就超似電鍍效果~ 最後上抛光臘。(不過唔好抛過龍~~)