選擇武術ge問題！

其實學邊種武術主要係睇下你想要D咩, 因為其實唔同嘅武術要求同針對嘅嘢都唔同。我自己本身只係有學跆拳道, 所以對其他幾種嘅認識只係好片面。

先講下我最熟悉嘅跆拳道。首先跆拳道主要係分成兩個派別, 一個係WTF, 另一個係ITF, 而我自己本身係兩個派別都有學, 已經考取咗WTF嘅黑帶資格, 而家申請緊國際黑帶資格。我亦都係ITF嘅名義黑帶, 將會係今年內考取ITF嘅黑帶資格。

WTF跆拳道係比較接近運動, 係奧運當中嘅跆拳道就係指WTF, 而平時你見到嘅跆拳道亦多數,會係WTF。而ITF就係比較接近武術, 佢對於動作嘅攻擊力嘅要求相對會比起WTF高。亦因為咁, 所以係各種嘅拳法、腳法要求嘅速度、力度方面同埋個人嘅體能方面, ITF嘅要求都會比WTF高。

除咗上面所講果D之外, WTF 同 ITF亦有其他嘢唔同。係套拳方面, ITF嘅套拳會比WTF嘅難同繁複。係ITF嘅套拳裡面, 綠帶套拳(Won-Hyo)已經有hold腳動作, 藍紅帶套拳(Toi-Gye)己經有跳躍動作, 而係WTF方面, 黑帶二段套拳(金剛)先有hold腳動作, 紅帶(或紅黑帶)套拳(太極八型)先有跳躍動作。

另一方面, ITF同WTF嘅上馬步同發勁嘅方法亦都有唔同, 而呢樣亦係兩個派別最明顯嘅唔同。係ITF裡面, 係着重一種叫’ sine wave’ 嘅上馬步同發勁嘅方法, 佢嘅重點係只會係發勁嘅一刻先用力, 其他時間都係放鬆。而係WTF, 係有一個特定嘅上馬步同發勁嘅方法, 但係係WTF裡面, 好多時係上馬嘅時候會先拍腳, 即係先用後腳拍前腳, 然後再做下一個馬步, 而呢樣嘢係好少會出現係ITF嘅動作上面。

除此之外, ITF 同WTF 係兒童黑帶嘅年齡界限、段數同顏色方面亦都有所不同。 係WTF方面, 係15歲前考取嘅黑帶係叫做品帶, 最高可以考到三品(兒童黑帶三段), 考取品帶係不設年齡下限, 即係只要你有能力嘅話就可以考。而ITF方面, 係12歲前考嘅黑帶資格叫做Pee-wee, 沒有段數之分, 係年滿12歲之後可以換黑帶或者考取黑帶二段, 而考取Pee-wee嘅人要年滿10歲。

講完跆拳, 而家就講下空手道, 合氣道同柔道啦！

以我所知, 空手道係分成幾個派別, 分別係松濤館流、剛柔流、和道流同埋糸東流, 但係佢當嘅細節我就唔太清楚。 我之前同過一D空手道嘅人一齊做表演, 我覺得空手道嘅抗打能力會比WTF跆拳高, 但係就同ITF跆拳差唔多。另外, 我會覺得空手道嘅腳法會比跆拳遜色, 但係佢哋嘅拳法就絕對好過跆拳道。仲有, 我曾經聽過一個學過跆拳同空手道嘅人同講, 空手道拉筋冇跆拳拉得咁勁, 但係實際情況我就唔太清楚。

合氣道係一種非暴力, 非競賽,推崇非攻擊性同主張天人合一的現代武道。 佢嘅創辦人植芝盛平先生相信武道是表達人類嘅愛護與保障, 所以合氣道並唔係一種用作攻擊同比賽嘅武術, 而係一種純自衛性嘅武術, 提倡以最少武力去懾服同控制對手。

而係我所知嘅柔道, 多數會手技, 對於腰同手嘅協調同用力方面嘅要求好高, 而佢嘅招式就多數以摔為主。另外, 由於摔要做好係講求睇準時機, 所以柔道要求嘅反應速度相對較高。

上面講嘅都係我對幾種唔同嘅武術嘅片面認識, 可能唔係太準確, 但係希望幫到你。

至於你所講嘅自衛術, 其實係各種武術課程裡面都會包含咗, 我知道出面係有一D專門教自衛術嘅課程, 但其實當中大部份同各種武術課程裡面所教嘅係大同小異。

另外你話唔想學武術學到手腳粗曬, 其實係有辦法嘅, 就係去游水, 呢個方法係我而家嘅女教練教我嘅, 佢自己本身就係靠呢個方法來keep住自己嘅身材,而我自己本身亦都有用過,我認為几有用。

最後,你話想學有D攻擊力嘅武術, 我認為各種嘅武術都會有一定嘅攻擊性,只係程度上分別。至於如果你問我學邊一種, 因為我本身只有學跆拳, 我答你嘅話可能會唔中肯, 或者你可以再參考下其他回答, 再決定你想學邊種。

你想學柔道緊係要去 保安道室內運動場的至柔會La…..
柔道~柔道~至柔之道.

資深柔道教練 陳兆成師父, 熱愛柔道; 他教受柔道超過40多年經驗, 曾為香港柔道總會教練主委, 教受正宗日本講道館的柔道知識和技術.

***練習地點: 深水埗保安道325-329號 保安道市政大厦2-3樓(室內運動場)
***練習時間: 逢星期日, 4:00-6:00pm.
**查詢方法: 93214845 (陳師父洽)/ https://www.facebook.com/ChiYuiJudoAssociation

柔道都幾岩女仔玩呀！
柔道除左係運動之外，亦係自衛術
係一個全身既運動，但唔會令到D手腳粗哂

睇下以下既網站（地方好靚）
www.facebook.com/pages/Open-Heart-Dojo/114436228694249

跆拳道:主要玩腳,有攻擊力

柔道:冇乜攻擊招,但系就可以摔人落地下

空手道:跑、跳、擊及踢既活動,要利用身體作為武器攻擊及束縛對方,而攻擊中又講求防禦

合氣道:同柔道差唔多,特點係「以柔克剛」,「借勁使力」,「不主動攻擊」(冇乜力d人玩既)

自衛術:自衛術只係教你系受威脇既危急關頭,點樣作出有效的自衛反擊




如果想學攻擊力既武術: 跆拳道,空手道

我用健康既方法,已經減左25磅啦~^_^





我都有個blog,係講自己d減肥既野架~你都黎

參觀下我個blog,睇下有冇野幫到你吖!^^





http://blog.qooza.hk/beautywin88 (有我減肥前後相!)




MSN:[email protected]





FB:[email protected](我個BLOG一UPDATE就會顯示架啦~又可以直接問我野~^_^)


Mail:[email protected](可以留MAIL問我野!)