夜晚進修DEGREE 有咩U有 一定要DEGREE

首先，樓主你可唔可以補充一下你的學歷，年齡，同工作經驗，同想讀咩科，因為要基本上所有比較有認受性的DEGREE上面3項都有要求。

TOP-UP DEGREE，入讀者基本上需要有高級文憑/副學士

OU 遙距課程，入讀者最少年滿17歲

POLYU，入讀者必需為相關學科的高級文憑/副學士畢業生，(及)或有足夠的相關工作經驗

如果唔係讀相關學科，TOP-UP和OU的課程要更長的修讀時間，而POLYU一般不會考慮非相關學科的申請人。

關於002所講，PART TIME課程大部份為自資課程，但只要是政府認可的課程，均可申請政府貸款，利息可能比一般政府資助課程為高，但未必需要找財務公司。

2012-06-12 16:43:25 補充：
樓主呢個case，TOP-UP同POLYU都應該MEET唔到個入學規定，OU遙距課程係可以考慮下，不過樓主要知道OU的遙距課程係自學多過有人教你，全部野都係自己睇NOTES學然後去考試，絕對唔容易，當然OU會分配一D老師/教授去跟進你的進度，但只係你唔識的時候可以問佢地，佢地唔會主動好似平時咁上堂逐樣講，所以係非常講求自律去讀書，OU修讀年期各有不同，樓主可自行選擇每年讀邊幾科，每一科都有一定的學分，讀夠一定學分就可以畢業，但一般而言都要4年或以上，除非樓主你好勤力。

2012-06-12 16:46:44 補充：
如果樓主覺得自學係好難，咁唯有逐步黎，先讀兼讀制高級文憑(HD)或副學士(ASSO)，大約要2~3年，然後再上DEGREE，時間可能要耐少少，不過起碼有人教，容易讀D。

P.S. 奉勸樓主一句，如果有人同你講，你個CASE可以讀一兩年兼讀就可以拎到DEGREE，都要100%畢業，樓主都係小心為上，呢D課程讀完同無讀無咩分別。寧願慢少少拎一個認可的DEGREE都好過好快咁拎到一D無用的DEGREE。

2012-06-13 07:57:07 補充：
樓主唔係得番OU可以揀，樓主可以選擇由HD/ASSO讀起，時間長少少，但容易過直接讀OU的DEGREE。

OU係香港的法定大學，擁有自我評審機制，政府會承認所有OU舉辦的課程，不論是全日制/兼讀制/遙距制，OU的學士畢業生可申請政府工，亦可繼續於OU或其他本地或海外大學升讀碩士課程。

好多院校都有夜校，例如polyu，不過夜校多數係自資課程，要資助可能要搵財務公司，一般課程大約都要十萬過外。夜校上課時間一般係六點半至九點半，有可能星期六日都要返。

1. 公開大學 www.ouhk.edu.hk
2. 香港大學專業進修學院 hkuspace.hku.hk
3. 中文大學專業進修學院 www.scs.cuhk.edu.hk\

請比分我