✔ 最佳答案
我係讀緊新高中選修兩個理科的學生
但我驚我唔夠料
因為電腦全級第一嘅同學超勁
係每個月幫人寫Program賺幾萬蚊個D
但我比較想知大學可以讀咩
同埋出黎會做咩工
其實唔洗理人地有幾勁,最重要係睇返你自己的能力,所以你電腦的成績都有二十至三十名咁點會唔夠料(讀呢一科)呢係咪先?
至於大學可以讀咩,果D學系對我嚟講深奧到我都唔識講,但係我知果D學系學的嘢都係ICT果D不過當然深咗幾多,
讀完大個出嚟社會可以做設計師(幫人噝電腦度、噝公司做「IT人」(專搞電腦的嘢)、幫人維修電腦(上門收錢果D)或者直程好似你果個電腦全級第一的同學咁成日坐噝度對住部電腦幫人寫Program咁就掙到幾萬蚊等等的工作。
其實Bio同ICT都應該會揀定
但我3X 仲差一科要揀
所以我煩緊揀埋邊科
如果你話無庸置疑會揀定Bio,咁噝以上你話有得揀的果五科裡面我就強烈建議你揀Chem或者Physics,雖然你Chin History最勁,我本來都打算建議你讀呢科(因為始終能力好D會優勝D不過只係D),但我睇埋後面「我覺得自己唔精於背嘢」同埋再諗清楚覺得你揀Chem或者Physics會比較好,
第一我想講新學制科科都要背呢樣嘢已成事實無得逃避只是要背的嘢係多定少,以上五科之中Chin History、History同Geog都比Chem同Physics背得多嘢(因為佢地始終係文科),如果你唔精於背嘢咁我覺得你讀Chem或者Physics(理科)會無咁辛苦,不過其實都係要背(所以如果可以的話就要盡快改變自己,唔係話你唔精於背嘢就唔背,噝呢個新學制個個包括我都係要咁背到死死下你就要克服自己背嘢唔精的不足知無?)
第二,你讀Bio即係理科啦,咁Bio同Chem及Physics大家都係理科點都有關聯起碼都係唔洗讀得咁辛苦,如果你揀咗Chin History、History或Geog三科都係文科,加埋Bio同ICT就變咗你又要兼顧文科,又要應付理科,又要讀果科文理商都唔知邊樣的ICT,咩都有齊哂咁我想問你讀得邊科係咪?所以我認為你不如揀多個理科嚟讀好過啦。
第三你Chem同Physics都係繼Chin History之後第二叻的科目,第四你話證明自己真係好懶,雖然其實當你上到新高中科科都唔懶得唔可以比自己懶架啦(因為到時會忙咗好多又要校本評核SBA又要通識專題IES又要做paper又要搞惦個其他學習經歷OLE呢D嘢我依家經歷緊所以好清楚,同埋距離文憑試DSE好短要面對公開考試的壓力亦都大咗無可能再咁懶落去),
但係Chem、Physics同Bio都可以話布得偷懶,Chin History、History同Geog就都幾難懶到,因為理科通常都唔係一味靠背、背同背,有時係要你轉理解消化做題目時轉腦反而背都未必高分唔背都唔會全部死哂(我讀理科所以好清楚),但文科你無背呢就可以同你講聲ByeBye先勒,所以你依家明哂我點解強烈建議你揀Chem或者Physics啦係咪?
以上純屬個人意見作為參考,希望對你有幫助啦!!
2012-06-10 20:33:57 補充:
補充少少唔記得打,其實懶同背一樣都你如果可以的話就要盡快改變自己,唔係話你穎就由得自己繼續懶,噝呢個新學制個個包括我都係要咁博命讀無得hea你就要克服自己懶的不足知無?)
2012-06-10 20:35:30 補充:
打錯唔好意思,應該係「其實懶同背一樣都係如果可以的話就要盡快改變自己,唔係話你懶就由得自己繼續懶」才對
2012-06-10 20:38:22 補充:
打錯唔好意思,應該係「但係Chem、Physics同Bio都可以話有得偷懶」才對