我唔知我到底係當佢係friend定係中意咗佢

我係女仔:)
事情係咁嘅...
有個男仔同我同班咗兩年
上年同佢都唔係咁熟...正係會得閒傾兩句咁...
d對答全部都係勁膚淺同流於表面
但係今年再同班就熟咗好多
可能因為上年我個班少人入埋同一班啦
再加上我又有d私人問題(失戀:D佢我中意佢個frd但係佢個frd唔中意我)
當時佢係第一個人知...
之後就同佢熟咗好多
我地有一段時間成日煲電話粥...一煲就幾粒鐘(平時同佢面對面冇咩傾)
內容多數都係同我有關...因為我嗰排失戀嘛:)
之後差唔多次次傾電話都係佢打黎先...之後我就係咁講嘢因為真係好唔想收線
唔知係咪因為有佢...所以我康復得好快(加上一早知唔會有結果)
但其實次次都係我係咁講自己d嘢...佢多數都係聽同附和我
佢好少主動同我講佢d嘢
我好想了解多佢一d
但係佢好少表達自己嘅情感..就算對住我都係咁

哩排明顯係少咗傾電話
我晚晚都等佢打黎但係晚晚都會失望
我主動搵佢個話又唔知同佢講咩好/-\
其實佢對我真係好重要...我已經習慣咗有佢...
我知自己係一個好易動情又唔菩於隱藏嘅人
我好驚自己會中意咗佢...搞到冇咗哩個重要嘅人
但係我又唔想同佢保持距離
佢對我好重要...但係我唔知自己對佢算係咩
因為佢從來都冇諗過哩方面嘅嘢
一諗到哩到我就好不安...我好驚自己喺佢心目中咩都唔係
我好想喺佢心目中擁有一個地位好想佢會重視番我
就係因為有哩d徵狀所以我覺得自己係中意咗佢
但係我見到佢又唔會心跳加速面紅紅講唔到嘢咁...一直都好自然

咁...回歸番個問題...有冇達人可以幫我分析下我到底係唔係中意咗佢?