我好大件事呀,入黎幫幫拖啦,廿點呀~~

我唔同你講 "香港咁細一定會有再見嘅一日" 反而係 "世界咁細一定會有再見嘅一日" 只要你想見, 買張機票飛過去, 錢之嘛, 有咩大問題. 除非你的另一半只得返 2 星期命, 否則我睇唔到點解以後冇機會見.

而你又為何要忘記, 消滅一段回憶 ??? 他是你歷史的一部份, 根本係冇可能忘記/ 消滅, 咪自欺欺人, 你可以當從來冇識過一個人嗎?? 冇可能. 時間係可以沖淡記憶, 而最終你會對佢冇咩感覺... 就係咁樣而已.

2012-06-14 16:10:16 補充：
仲以為係咩事... 妹妹.. 北角同柴灣相隔有幾遠 ??? 你一星期返 7 日學?? 還是你的學校唔會放假?? 學生搭地鐵只需幾蚊... 大家約埋去太古城行下街睇場戲都得呀 ??? 點見唔到呀 ??? 根據你嘅想法, 你以後唔駛結婚啦, 定係一定同要嫁比隔離小明呀 ??? 咪傻啦...

你擔心一下, 大家升左上唔同中學, 你見多幾個唔同男仔, 分分鐘已經唔記得左佢啦... 佢亦一樣, 9 月 2 日已經分分鐘唔知你係邊個啦...

轉校... 咪玩啦, 除非你的學業成續超強, 否則你諗都唔駛諗...

比心機讀書啦 !!!

2012-06-16 12:11:35 補充：
阿妹, 食下嘢睇場戲又可以有 d 乜嘢呀 ?? 正常社交生活... 朋友間的活動, 一男一女出街就一定有野, 咁我讀書時有 N 條女啦 !

2012-06-19 13:00:15 補充：
人地個腦點樣諗野你控制唔到, 如果佢係要亂諗, 你坐係屋企, 佢一樣可以覺得你 like 佢, 所以多餘 !!

而你又話鐘意人, 轉頭又好似唔想人知, 咁你想點??? 唔講得嘅, 有幾愛呢???

咁你可以搭車去搵佢架

是咁的...

大嶼山都可以港鐵...唔洗坐船了...那有不可能的事...

只係時間問題即...一切都可以向好的方向去諗~

我反而擔心妳去到識學校...很快就喜歡第二個才對...

(如果唔ARM聽...對唔住~)

即係咁~要忘記一個人最好既方法就係唔好提唔好講唔好諗...

如果你越係要諗住忘記佢...咪即係提住自己記得佢...

即係所謂既「記得忘記」...冇意思~

不如你地交換聯絡資料...

暑假約班FRIEND出黎玩~

之後約定大家各散東西既朋友都要每年一聚啦~

(即係咁講...大家都可以每年一大聚~間中有小聚既即~)

有咩唔明再傾啦...因為我睇唔到你有回應我~

可以既話去

http://www.facebook.com/lovingblog

再傾~

同我的想法一樣愛一個人唔係要霸佔佢,而係要佢快樂,佢有冇女朋友,如果冇,你就去表白吧,可能佢都中意你,咁你地一齊之後,就算分開左學校,仲有電話,平時講下電話,放假約出去玩下,拍下拖咁都幾好.如果佢唔中意你,你同佢講左,咁起碼唔會有遺憾.
如果佢有女朋友,咁咪正如你講咁愛一個人唔係要霸佔佢,而係要佢快樂咁咪祝福佢開心幸福,之後就讓他離開,忘記佢,只有一樣野可以幫到你,就係時間,讓時間洗去所有記憶吧

希望幫到你,加油^^

不如同佢講你中意佢la

比時間去淡化忘記一個你深愛而又一世冇可以再相見嘅人

你想和他一齊嗎 ?咁問人有沒聯絡方法囉,連朋友都沒有可能的話, 就不用見,慢慢時間會令你忘記!

你冇得見佢，仲好啦~仲容易忘記佢，我最驚你日日見到佢，要忘記佢就難啲~至於你話要忘記佢，可否講下個原因，錦先幫到你架~

香港咁細一定會有再見嘅一日