我該如何挽回／復合這段感情？［２０點］＞＿＜

我呢加係英國讀緊書，前一年係香港讀果陣，我同左一個男仔拍拖。
果個男仔，我由第一日見佢我就已經可以話係一見鍾情，但果陣冇即刻同佢表白，因為我同佢果陣好ｆｄ，好似兄弟妹咁，我唔想一失敗連ｆｄ都冇得做，所以我都仲係ｋｅｅｐ住同佢ｆｄ先，希望增進感情先（起碼到到可以咩心事都同佢講既地步先）。
過左幾個月，我拎起信心同佢講，點知原來佢都係喎！咁之後就開始起埋一齊。
係果段時間，我好開心，但我都係時候要同佢講我下一年將要去英國到讀者，唔再同佢同校。
點知，同佢講左之後，雖然佢冇咩反應，冇話即刻分手之類，但果日之後我地既關係就差左好多，一日比一日差，之後我地就暗示分手，就分左。
離奇地，係我走，久巨飛去英國之前，我地竟然可以好似之前咁ｆｄ，我仲叫佢阿哥佢叫我阿妹。但我，其實仲有中意佢既感覺。
我之後中意左第二個男仔，我心諗既然佢都唔中意我囉，順便睇下佢會有咩反應，傅文傅左出去，但佢知道左之後我見佢都好似冇咩野咁。
去到英國之後，我地就冇再連絡過，只係我生日果日係我ｆａｃｅｂｏｏｋ個ｗａｌｌ打左＂生日快樂呀，阿妹！：）＂　咁。
但呢加都已經過左一年囉，我發現，我真係放唔低佢，我仲好中意佢。。。
所以有日我係ｆａｃｅｂｏｏｋ　ｍｅｓｓａｇｅ佢，同佢講其實我仲好中意你呀，佢之後覆我＂哈哈，你諗多左啦，唔好諗咁多啦。＂
而我見佢ｆａｃｅｂｏｏｋ寫住：戀愛中＂但冇寫係同邊個。
我可以點挽回呢段感情？我真係好中意佢。。。雖然佢有好多野我唔係好中意，例如：
　－我ｗｈａｔｓａｐｐ慢左覆佢２分鐘佢會嬲我。
　－佢中意我哄佢多過佢哄我。
　－佢成日中意玩我，屈我咁。。（唔係惡意）

但我都唔會介意！我會盡量接納。雖然聽落好老土，
但係。。中意就係中意！我搵唔到原因。。。