朋友問題...HelpT^T

我今年係小六，我有少少朋友問題...
話說我有朋友(C)同朋友(Y)仲有朋友(B)
學期初我係同B比較friend，所以都冇乜問題。
但係依家同C坐得比較近，所以就愈黎愈friend，但係C同Y已經識左好耐，我好想同C做最好朋友，但係C好似感覺唔到。C佢成日講人是非，曾經有一段時間C好憎Y，所以C個陣就同我好好朋友，我個陣係超級開心，但係依家C同Y已經和好返，自此之後，C就好少同我傾電話、同我放學(C同Y係住埋同一棟樓)。我有少少唔抵得，因為我同C有好多野都好夾，但係C同Y最多都係玩埋同一個Game(但個game我都有玩，只係玩得冇咁流利)、同一棟樓同埋識左3年(我2年)。
今日我覺得係我最唔開心既一日囉，因為今日C同Y係玩得最埋，本來C今日約左我放學去買野，但係放學後好似唔係好想同我去，我咪直接講話你今日係咪唔去，佢之後好似唔想hurt到我咁，我咪講你唔想就算啦，之後Y就去C個度一齊放學，其實我有D想哭，但係我怕佢會當我係細路仔咁，所以我咪自己轉身走左去。
我覺得佢覺得我同B先係最好朋友，但係我有時都好憎佢，因為佢好自私仲會晒命...我唔知係我多心，但係我成日都會亂諗野(特別係唔開心個陣)，我好怕有一日C會唔同我玩...但係就黎考試，我就成日講考試完先算啦，希望唔會影響我既成績。但係我怕考試完之後我應該點算...