在2個人之中掙扎..

前排有2個男仔同時向我表白...
A對我黎講 好重要 但係友誼以上戀人未滿既感覺. 我一直當佢係好好既朋友 (識左大約半年) 甚至細佬咁 (佢細我1個月多小小), 但我點都冇想到佢會鍾意我. 我一直都有感覺大家關係有小小曖昧, 但因為佢好重要, 已經重要到我唔想一齊 我唔想我地既關係有任何改變

B我識左唔係好耐 一直都知佢追我.. 只係有時我唔明佢諗咩. 有種忽冷忽熱 好多野都想掩飾既感覺 唔知佢邊句真邊句假咁. 我好在乎佢, 感覺上係鍾意佢咁.. 但我唔知要唔要同佢一齊

我應唔應該同A講清楚我對佢既感覺? 話比佢知佢好重要, 但係我地冇可能.. (我覺得我講唔講大家關係都會變, 但我唔想變.. 佢對我黎講真係好重要) P.S. 我好多朋友都認為我會揀A, 佢地話我比起其他人我對A好好多... 我根本係度呃緊自己既感情咁解.. 亦有朋友問過我點解A對我咁重要.. 我自己都答唔出:/

我有小小想同B一齊 但我真係唔多知佢諗咩 有種又安全又危險既感覺... 而且我好在乎A.. 我唔想因為我同B一齊而搞到佢唔開心/我地關係好僵.. 我依家好掙扎 根本唔知點做選擇好:/

P.S. 佢地2個其實都識大家...