各位可唔可以比d 意見我 thx

個人認為DSE相對較好。

最正常的路當然係靠公開試(AL/DSE)然後JUPAS升上大學UGC學位課程，不過以樓主你的情況我有以下一D分析希望樓主可以考慮下。

1. 在金錢方面，而家已經係六月，我諗樓主已經係就快完成Year 1，樓主已經付出左最少3萬元去讀書，如果樓主全部科目合格，樓主現在退學應該可以申請一張該課程的高級證書，但係，高級證書係學歷上係同會考5科合格無分別，樓主既然已經係完成會考(樓主而家讀緊3年制的YR1，咁應該會考有連中英文5科合格)，換言之樓主你付戍這3萬元實質的回報並不多，甚至沒有，樓主可從這方面著手考慮。

2. 在時間方面，DSE課程由中4開始，我雖然不肯定，但樓主有可能要由中四讀起(讀3年DSE)，再加4年大學，即樓主要7年後才能大學畢業(即使能由中五讀起都要6年)；相反，樓主如果在IVE更加勤力，2年之後便能高級文憑畢業，再有機會有Credit Transfer可HD畢業後2年取得學士學位，即4年後便可大學畢業(即使無Credit Transfer，都可於5年內畢業)，樓主雖然應該還很年輕，但兩條路相距所需的時間是否值得，樓主亦可考慮一下。

3. 在公開試方面，DSE雖然比AL略為容易，但與CE相比仍是更困難，樓主是否有信心轉讀DSE課程後可以在公開試成為最優秀的15%(據統計只有15%人能從公開試入讀UGC學位課程)，樓主可考慮一下。

4. 在IVE課程方面，IVE的課程內容由淺入深，第一年或第二年的科目內容的確與高中課程相似，但到了第三年，部份科目已經涉及大學課程第一年的內容，這點亦可為樓主所考慮。

我唔係想強調IVE有幾好，我亦承認最正常，亦為大多數人所採用的方法是由公開試再升讀大學，然而樓主的情況與普通中學生略有不同，所以提供一D分析比樓主，樓主可以找IVE的老師問清楚相關情況或者去IVE的學生發展處(SDO)查詢亦可，唔好以為IVE的老師一定會講IVE有幾好或一定堅持要你繼續讀IVE，或者你可以選擇去問其他親友或以前中學相熟的老師，希望樓主你最終能找到合適的道路。