不知怎麼交朋友?

我就快成年喇, 但係我覺得係其他人身邊好唔舒服。 由初中開始就變到好唔自然, 唔知同朋友講D乜,每次想傾計都只係傾兩三句就完了。
傾耐D嘅時候都係講D無聊嘅話題或者問人係道做緊咩野之類, 令人唔想同我傾計。
有人話過我好悶,好煩, 唔知係咪因為咁, 我開始盡量少D出聲, 又不敢看人的眼睛。 我係好細個嘅時候已經好內向, 但係唔似依家咁辛苦同不知所措, 感覺到唔識嘅人第一眼見到我都不爽, 都皺住眉頭, 一副不屑嘅表情, 好似好想我離佢地遠D。 我都知道我言談舉止有D奇怪, 但係我唔明白我點解會惹黎陌生人怪異嘅目光。 我而家望人都唔會逃避同閃縮喇。 前排好左一段時間, 但係今日下晝又再感覺自己好唔受歡迎同埋人地睇我唔順眼咁。
我知好可能係我多疑, 但係已經好多年喇。 由開始哥時好寂寞, 好辛苦, 心一直諗好想死, 故意令自己很不開心來抒發鬱結, 到之後唔再去諗, 覺得惟有順其自然, 但係而家新識過幾次朋友, 有D已經因為沒關係的原因無再聯絡, 最近半年識嘅幾個朋友, 一個性格唔太合襯, 一D因為某D原因可以同佢地長時間相處, 佢地都好好人, 至少比其他人好, 但係我覺得我地嘅對話很悶, 我唔想令佢地嘅生活好悶, 唔想佢地委屈自己黎同我一齊, 都唔想糟塌佢地嘅心意。 我好想令自己開朗D, 講野叻D, 可以繼續同佢地做朋友。 同埋我就快成年喇, 將來工作都好需要我去改。 有冇人有過咁嘅經驗, 然後而家已經沒事, 克服到心魔, 可以令我有少少希望, 或者有咩建議。 其實我純粹發洩一下我嘅壓力同情緒, 唔洗太上心。