賣樓應該怎樣出價??請高手經驗者指教

(1) 銀行估價
你都提左，銀行估價係賣樓定價一個參考指標。

(2) 新近成交
除左參考銀行估價，仲要參考同座/同類單位最新近成交。最近成交價可在網上容易搵到，但網上資料未必好update。你可向數間地產公司查詢最近成交價，以獲取最近資訊。

(3) 同類放盤
在網上或到地產了解同座/同類單位最近放盤情況，了解對手出價同單位質素。再將對手叫價同自己單位質素對比定出出售開價。如果同類單位好多盤供應，咁你想快D出貨叫價就要貼市D。如果缺盤，你又可以開高DD。

(4) 罕有性
如果你單位有特色，例如天台、平台.....; 市場同類單位應該比較少，叫價可以進取D，而且可以企硬唔減太多。無他，市場供應唔多，對手都小好多。

(5) 問地產
問問地產應該點開價，不切記唔好信單一地產。個個行業都有不良份子，為保障你自己權益，最好終合幾個意見，再加上自己對以上 (1)-(4)項了解 再定出自己心目中個價

(6) 自己急唔急賣?
如果自問急售，開較貼市價，吸引多D人睇。如果唔急，可以按市價加多幾個 %。


回應你"應該直接出自己心裡的底線價?"，睇你同Agent有幾熟。如果超熟，講比佢知無妨。如果只係一般，唔好比佢知你個底，因為佢地會不停再試你底價。最常見係 "我有個客好有興趣，但要你平十萬就即簽"，其實Agent未必有客在手，只係拋下你睇你底價。拆解方法係: "你有冇客人支票在手，見票先傾"。

參考完以上各項，你都應該知道自己應該開幾多。有裝修就加多少小，冇裝修就平少少，睇對手。想賣岩價錢真係唔懶得，要自己去做功課。每個地區、每個單位都有佢既特色同客路，冇一套永恆定律。

由於現在的樓宇買賣轉趨淡靜,所以買家議價能力高了,你要考慮的其中一個因素,另外你本身還要計算額外印花稅(你物業持有2年內轉售要繳交5-15%,必須簽署買賣合約後30日繳交)所以開價多少你自己就要計數,你可以向地產抬高一點底價,因為有些地產喜歡壓價的,這是不急售的其中一個方法,當然你如果要急售就另作別論了~

~以上意見純粹只作參考性質~

2012-06-02 23:27:13 補充：
如果物業持有超過兩年不必計算額外印花稅~