跟拍拖3年多既女朋友分左手2星期...好想復合

先講一講我地小小背景...

我同分左手既女朋友今年都係20歲, 大家仲讀緊書,佢有PART TIME做緊,但我冇

我地之前係中學同學,出過一兩次街之後就係埋左一齊,係我追佢的,我地拍左拖已經有3年幾...

最近,2個幾星期之前佢提出分手...原因係佢話 我對佢冷淡,成日打機唔理佢,唔同佢傾電話,有野唔開心會發佢脾氣,唔CARE佢等等....

分手之前1個月左右係佢生日,個日大家都過得好開心,佢仲係FB話好愛我,仲話個日生日係最難忘既一日,仲話好想嫁比我之類...

不過之後因為大家都有考試,各有各忙,所以少左溝通,我亦都少左搵佢,什至回應佢WHATSAPP都只係一兩個字回應佢

直到2個幾星期之前,佢話終於忍唔住要分手, 分手時我剛好心情差火遮眼咁話分手咪分手囉...

過左1,2日,我見佢冇搵我,我就主動WHATSAPP搵番佢,仲係當佢女朋友咁搵佢,但係佢好似變左第2個人咁,對我勁冷淡,話我地已經分左手架喇...後來我打極電話佢都唔聽...我係WHATSAPP就同佢講我好後悔,會改過,求佢比次機會我,但都被拒絕, 佢話同我一齊好累,佢唔係唔愛我,只不過佢對我已經失去信心, 仲話好ENJOY分手之後既生活,中意做咩就做咩,好自由

有一次,時間係大約分左手之後一個星期的晚上,我去佢屋企樓下巴士站等佢放工,我地傾左個幾中,個次我放低晒尊嚴係條街上哭求佢比機會我,佢見我喊,佢都忍唔住有喊... 不過佢都係拒絕我...講左好多唔比機會我既理由, 例如同我一齊好累,唔想再比我傷害, 感情去到最尾係冇得番轉頭等等.我求左好耐都冇結果...咁我就冇再講求佢既說話,反而傾番閒計...個刻大家都已經冇喊,仲傾得有講有笑的...傾到咁上下,佢話番完工好累要回家,佢最尾仲擔心我,叫我番到屋企打電話比佢,叫我唔好做傻事,仲安慰我話大個仔架喇唔好為左我而喊啦,叫我搵過第2個同快D忘記佢~ 最後,個晚我番到屋企立即打電話比佢,佢冇聽...咁我就WHATSAPP佢...都係冇回應...直到第2日早上我搵番佢先回應我,但係都只係答我1,2個字...

直到而家,我差唔多每日都有斷斷續續咁搵過佢傾...當然好少再講挽留既說話...因為怕佢反感,

最近無意間發現呢個失戀區...好想講下自己既情況,睇下各位有咩意見可以比到小弟...

我好想同佢復合,我都知佢未放得低我, 但佢係既言語咁冷淡,我好想比佢知道我會改過,但係我下一步應該點做?