我唔知應該點做, 好心人救救我!!!

離考試的日子愈來愈近, 我卻仍然依舊懶散, 書都未掂過. 以前小學的時候我都唔會溫書, 上咗間Band 1學校, 有少少辛苦, 不得不努力.
最拿手的中文成績好好, 唔使點擔心; 其他科就簡直是不堪入目, 強差人意, 心情都幾sad. 上Science, Chis, ICT, Music, 完全是睡眼惺忪, 超想sleep. 老師講得悶係main point, 其次係個位老師好黑人憎, 表裡不一. Eng. writing 不停地努力都無用, 愈努力, 愈被老師話, 更無啦啦話我抄網上的資料, 我自己做的文章竟然係抄的, 我接受唔到.
依家連書都無睇過, 淨係掛住上網, play game. 完全地自我封閉, 唔想接觸任何事物, 唔想同人接觸. 表面上嘻嘻哈哈, 心裡卻異常寂寞. 每當夜深人靜, 常常獨自一人窩在被窩裡哭至入睡. 我總是覺得無人會明白我, 無人會了解我. 淨係不斷聽歌, 藉以麻醉自己最真實的感覺. 試過因此而食慾不振, 面青青, 病到渾身提不起勁, 抑鬱到不能自己, 好辛苦.
今朝被老師叫出來, 原來係為咗modern dance, 我本身唔係d咩叻人, 又對跳舞無任何興趣, 只恨我一時衝動, 失驚無神去報名. 7月有表演, 仲有10堂要去, 少則1.5 小時, 長則由9:00-22:00, 比咗$300 join this activity, 上80%堂就可全數拿回, 我竟然放棄!
為了自己快樂些許, 一次又一次''走佬'', 為的是那一點點快樂, 一點點滿足. 沒錯! 我要為自己所做的一切負責, 我一定, 必須. 但係, 為咗一樣自己唔喜歡的activity, 為咗盡責, 為咗比面老師, 我就要放棄自己的思想, 像傀儡一樣被牽著走嗎? 我做唔到. 我係為自己而活, 唔係為別人--- 直到現在. 個跳舞老師都話, 你一係唔跳, 一係盡力去跳, 無第三個選擇.
如果唔係今朝被老師叫出來, 我早就同跳舞老師話我唔想跳. 我唔想跳舞從而唔去上堂, 都係拖累緊人地, 與其係咁, 倒不如唔好 join, 唔係仲好?
我唔知自己有無做錯, 但係我只想活得有意義, 活得快樂, 我唔想人生無目標, 我的目標好簡單: 自己快樂就足夠, 唔通咁有問題咩? 快樂, 就係好簡單, 我希望每天都過得充實, 唔要行屍走肉.
我內心好亂, 七上八落, 好煩. 唔知眾多的你可否為我解放心頭之結呢? 為呢件事有個兩全其美的方法, 我唔想係咁拖落去.