大學商科選科問題, 選邊科前途較好?

Marketing 同 Human Resource其實都係一D好理論性的野，就等於無讀過Marketing唔代表你諗唔到好的市場策略，讀完會計亦可以做番呢D工種。不過你讀過以上科目，當然會比未讀過的人在這方面比較有優勢。

相反，會計係一種專業，你未讀過會計，你未必識點樣去處理一盤數或做一份財務報表，就算你自己領悟到，有好多文件都係法律規定要專業會計師先可以處理(e.g. 上市公司/有限公司的Audit Report)。

不過，如果對會計的興趣"大減"，考試覺得好難，咁建議樓主都係讀自己有興趣的科目，因為係你未成為真正的會計師之前，工作量比較大而薪金亦唔算高，加上會計的專業考試遠比副學士困難，在你仍未成為會計師前，可能比Marketing / Human Resource的畢業生更辛苦，薪金卻相約或更低，樓主要考慮清楚。