澳洲 working holiday

1. 申請澳洲WHV，只需登入http://www.immi.gov.au 進行網上申請，會教你
點做。
2. 你可在網上 send d文件(如有需要)作為證明。
3. 申請年龄香港特區護照持有人，age 18-30。
4. 你去完一年之後先至講喇，原則上，澳洲移民局並無講明。但你在第二次申請時，會考慮你過去在澳洲的紀錄，例如：有否逃稅，是否曾經當過農場工3個月(這點好重要)，有冇被捉超速欠交罰款(好多華人如此)等等。

我而家係澳洲working holiday﹗可以同你分享下：

首先你要係滿18-30歲(31歲生日前)既香港永久居民。

係你一年既whv如果做滿88日農場工(偏遠地區)，可以係你first visa快完時申請2nd visa唔駛出境繼續留多一年，如果你返左香港隔一兩年再申請都可以，但條件係要做夠88日農場工先可以(所謂既集二簽)，當然申請2nd visa時都唔可以過31歲。

你可以親身去領事館，或最簡單既：
上網申請工作假期簽証 (working holiday visa subclass 417):
http://immi.gov.au/e_visa/working-holiday.htm
(按Start an application框框內的First Working Holiday Visa進入申請版面)

需即時用信用卡繳交aud$270的申請費用，記得選擇體檢中心和記得記下申請號碼(TRN)以便之後check progress。 收到體檢instruction email後可打電話去佢指定既驗身中心(mk/tst/cwb) 約時間驗身照肺。驗身大約1個星期後會收到confirmation email，發出後一年內任何時間都可以入境澳洲，由入境日子計可以留1年，途中可以無限次入境出境澳洲。最遲出發前一至兩個月好申請，因為仲有買機票個d要準備。

買機票最平就jetstar同馬航，可以上zuji同priceline網或agent價下格，單程最平大約 hk$2000+。揾定到步後兩個星期既住宿，可以的話住sharehouse最平生活環境亦都最好(A$80-120/wk)，揾唔到就唯有住住backpackers先(A$20-28/day多人房,上網book)! 通常合租屋都要email預約同到步要俾押金兩星期。(參考網站gumtree(打sharehouse)/hostelbookers/背包客棧)

臨出發前最後就係買保險，將所有証書同証件scan入電腦send email俾自己(有用時print返出黎)，執行李，影印定証件, 交代俾屋企(例如卡數,代收信之類。好多人問要帶幾錢，講就話要$5000，但無人會check的。我自己帶左aud$3000，我覺得都ok，我識有人帶得$1500，就有d危。揾工好講運氣，總之帶多d自己安心d，盡量慳d~ 都可以夠你用1-2個月。留意去之前都會大約用左6-8k(機票,體檢,保險,物資等)，係未計的。

要帶既野:
一定要帶手提電腦同睡袋!
衣服：冬季保暖衣服,羽絨,一星期份衣服/內衣褲,帽,手套
衛生用品：牙刷牙膏,洗頭水沐浴露(二星期分量),洗面用品,潤膚乳(呢度好乾),衛生棉,防曬手品,蚊怕水/無比滴,毛巾,鏡梳,指甲鉗,鬚刨, (如果戴開CON既話呢度買係超貴(aud$100/盒)的，所以一係配定副眼鏡一係帶足一年份量先好)
小型電器：手提電腦,手機,相機,電話,mp3,叉電器,可帶風筒,小型飯煲
其他：睡袋,小量洗衣粉/洗潔精/調味料,哂衣繩,雨傘,吹氣枕,太陽眼鏡,摺疊袋,紙巾,藥品,旅行書,日記,筆等等 (可帶大容量SD卡/外置harddisk裝相, 同埋帶D電影劇集無野做KILL下TIME)
至於帶喼或帶背包+旅行袋就睇你自己需要啦。

到步之後有三樣要做:
1. 到銀行辦存款戶口+e-banking+atm卡, 出糧用 (NAB最好)
2. 買電話咭並上網activate(OPTUS/telstra pre-paid sim卡)
3. 上官網申請稅號TFN, 出糧交稅用
到步起碼兩個星期最好有固定地址, 因為銀行會寄ATM卡同密碼俾你, 而稅號亦都會係兩個星期寄出。

之後就開始揾工啦﹗有時真係睇運數，其實最好既方法就係同屋識多d朋友問工頭電話或直接介紹，機會率d。其次就係上網揾(career.com.au/gumtree/背包客棧)、睇local newspaper或者周街派resume。working hostel會幫你揾d唔錯既工作(貴租d但值得投資)，或者揾job agent。真係無飯開先好做chinatown $8/hr既黑工﹗城市工作通常都請都係通常侍應,售貨之類，文職唔請working holiday的。所以backpacker多數做農場工，易d揾工之餘白工人工都有$16/hr以上，可以去到澳洲先開始揾工。

我係澳洲識左好多人有好多唔同既開心體驗，希望幫到你﹗有咩問題可以繼續問