我想問煲糖水容唔容易煲?

我覺得好易,洗好材料,煮滾d水,放材料落去,關細火,煮2個鍾左右,如果你怕滾哂出落可以放一支木快子在煲同蓋之間,咁就唔會滾哂出黎,

你想煲咩糖水,睇下幫唔幫到你

材料: 芋頭 半個 西米 60g 椰汁 1罐 (小) 165ml 鮮奶 165ml 水 4碗 (1L) 冰糖 適量 烹調步驟:(1) 煲滾水, 水量是西米的4倍 (最少, 份量外), 下西米煮5分鐘(2) 蓋上煲蓋, 焗約10分鐘至西米變透明(3) 隔去水份, 用開水冲洗至涼透, 瀝乾水份(4) 芋頭切小粒(5) 煲滾水, 下芋頭粒大火煮15分鐘(6) 蓋上煲蓋, 熄火焗15分鐘至腍(7) 大火煲滾芋頭, 下冰糖調味(8) 加入椰汁, 鮮奶和西米, 滾起即成 小貼士:(1) 由於煮西米和芋頭的時間不一樣, 一定要分開煮, 才可確保芋頭夠腍, 西米又夠煙靱.(2) 煮西米一定要用焗法, 這樣才可保持煙靱.(3) 煮芋頭也要用焗, 否則芋頭會煮得爛爛, 不夠火又不會腍.(4) 不喜歡椰汁的話可用鮮奶或花奶代替.