朋友圈子中的情侶，好煩!!! help me please

本人是女，讀緊大學
係我地玩得好埋既圈子入面有對朋友(女：J，男：K)變左情侶

J本身有個多年男友但因為K追佢所以同男友分左手同K一齊
(因為我同J同K都有各自傾過，所以我好清楚個過程既來龍去脈)
但本人本身好憎第三者
亦都好唔鍾意d明知人地有男友都去追人女友既人
所以對佢地好反感

K之前係好理性既人，但為左追人地女友變左觀音兵
樣樣服侍周到，好似工人咁
佢地一齊左之後，我地班朋友同佢地講兩句野好似當我地透明咁!
(即使係講正經事)
大聲嗌佢地叫佢地應都無反應!!

有次成班frd去旅行7人去佢2個旁若無人咁，去到邊依泣到邊
同我地其他d frd食飯就好似搭台咁
我地想省$，book1間房有2張床諗住女仔一張男仔一張
未訓既時候我地成班坐係一張床度玩緊牌
佢2個就係隔離依依泣泣
最尾搞到無人想過去做電燈膽
5個人迫埋係一張床度跟本就訓唔倒!!
(你可以話其實我地可以照行過去訓，
但trust me，係果個環境下無人會想走埋去)
佢2個要2人世界咁佢2個自已去旅行咪得囉
洗咩我地黎陪襯? 同frd去旅行有咩意思?
最嬲係佢地仲要當我男朋友工人咁洗
book飛、搵路、唱$所有安排都要佢做曬
佢2個就叫完人幫就唔要我地班frd了

平時個女仔J嗌凍，K就一定去幫佢熄曬d冷氣
都唔理下我地其它人又熱又焗
帶左褸又唔著，著多件褸先唔得既？
呢d只係其中既例子，要數的話仲有大把，唔想數了
總之佢2個真係成日都好自私!!
其實我同我男朋友都係同一個圈子既人
我地都會理下身邊既人既感受啦

圈子入面其它朋友都有d唔鍾意佢地咁樣
佢地都由得佢地，無我咁反感
(我反感到，係佢地同我地班人講一兩句野既
時候會刻意去ignore返佢地，我班frd最多扮
下佢地依泣個樣串下佢地，之後都無咁做了)
由於我同呢班人真係好frd好合得來
我又可以離開呢個圈子去避佢地費事眼yuen
佢地又當然唔會離開
我可以點?
請比d實際建議我thanks!!