中三升中四選科問題

我係讀緊新高中選修兩個理科加一個數學延伸單元的中學生


第三個X就諗緊biology好定economy好
我本身就鐘意biology多d嘅不過背果d專有term就背到我死死下仲有三科揀晒理科好似唔夠全面咁...
我想講呢....第一，我讀biology所以我清楚知道呢科唔係純屬背，你讀咗就明白就算你將成本書背哂都未必攞到高分，因為D題目唔會好似文科咁問得好直接，其實我都唔係好識講，講個例子睇下你明唔明，例如我biology份考試卷有題間接咁問係食得多鈣會點，但係書通常都只係會講吸收鈣的重要性架咋嘛；又例如我前幾日教完人體的運動果課(即係講骨同肌肉果D)，書只係講手的活動佢D題目出腳(腳同手有少少唔同)；再例如我發覺生物科有好多關於人體的課D題目都好鍾意問如果某人在手術中切除了(身體的某部份) / 意外受傷，問你有咩影響，但書好少會講無咗(身體的果部份)會點，講咗咁多即係想話你知生物係要經過理解再消化而唔係死背，如果你理解消化完之後就會覺得好容易背，你話自己理科 / 生物底子好又鍾意佢多D更佳咁你甚至基本唔需要點背(未必個個理科勁都係咁)。第二，要背嘢的唔只生物科，幾乎所有科都要背，只係多同少的問題，就算係你有提及的economy都要背好多專有term(同生物差唔多雖然我無讀但見到讀呢科的朋友背，都係背到死死下)。
至於你話三科揀晒理科好似唔夠全面咁，我就覺得唔可以咁講，要睇下你將來想向邊方面發展，如果你想向理科發展(你理科好我相信你應該會向呢方面發展)做藥劑師、化驗師、治療師甚至醫護人員，咁我就覺得你緊係讀哂全理科啦，其實全唔全面唔重要你唔洗理佢，可能全面反而有反效果有D人文理商都讀齊哂根本讀得仲辛苦應付唔到，起碼你讀的三科理科都有關連。
至於第三個X就諗緊biology好定economy好 ，其實上面已經講過哂，你既然話理科裏面最好嘅係biology又鍾意多D咁就緊係biology啦，上面都有講起碼你讀的三科理科都有關連。

economy就未讀過不過文科差會唔會反映出我li科唔會讀得好?
應該影響唔大，不過有時呢科寫essay讀文科的人係會優勝D，因為佢地平時寫慣好多字同埋組織果D能力比較好，讀理科的通常都一句起兩句止，其實依家新學制的其他每科都有essay包括理科(生物)，所以其實你講的反映出唔係幾關事放心。

仲有要揀M1M2...
我鐘意M2多啲不過驚自己讀唔嚟
睇興趣好定睇能力好?
我就咁好難答到你讀唔讀得嚟因為呢樣嘢因人而異同埋要睇你數學科的確實成績，仲有我覺得最重要唔係睇興趣睇能力而係睇你將來想做的職業 / 大學所選的學系洗唔洗要求你讀M1M2，如果唔洗要求你一定讀而你讀咗唔係話唔得而係無咁好，除非你應付呢科同其他X科都好好，否則你浪費更多時間在呢科又要分身讀埋其他X科分分鐘拖累埋其他必修同選修科的成績但原來到最後係對將來無作用咁你咁辛苦讀M1M2嚟做咩？如果係咁不如我建議你一開始就唔好讀，如果相反，你將來想做的職業 / 大學所選的學系要求你讀M1M2咁你緊係要讀啦讀唔嚟都要讀啦除非你放棄呢個理想。至於興趣同能力我個人認為兩者差唔多，要取得平衡無話特別睇邊個係兩個都要睇仲要一齊睇，呢個又係就咁好難講你聽。


有D可能講得太過複雜但我真係打咗好耐打得好辛苦架，希望幫到你啦！！

2012-06-01 20:53:00 補充：
等我又都補充返少少啦唔係爭分，其實下面003也講得無錯，雖然大部份佢講的嘢我都有講過，但係有D只係佢有講的我都非常認同(只係有點出入)，生物科真係好鬼多圖但係我想講未必個個都對圖敏感同識睇(不過你話自己生物幾好我諗你會OK)，同埋的確低form bio 死背高分高form死背都可以fail，所以真係要狂操pp卷試題我生物老師曾經講過你用十個鐘溫書就要用返十個鐘做練習，意思即係話溫書同做題目的時間比例要為一比一，另外呢科真係有好多嘢做又補課又SBA但係其實其他科都差唔多咁忙尤其係D選修科分分鐘仲多嘢做過必修科所以無話生物科特別忙同多嘢做。

2012-06-01 20:53:24 補充：
至於數學，003講得中哂，core勁=/=M2勁呢個係真嘅因為我都係咁，但係M1難拎分我就唔清楚(因為我就係修讀M2)，不過又唔可以話唔好揀，始終要睇返你的長處同興趣，有D人較擅長統計或較鍾意睇一兩頁的題目寫一兩句咪揀M1囉，有D人較擅長代數或較鍾意睇一兩句的題目寫一兩頁咪揀M2囉，所以數學勁都唔一定係要揀M2，仲有唔止M2要勁做數M1都要，

2012-06-01 20:53:37 補充：
最後頭先講的core勁=/=M2勁即係話core勁可以M2都勁或core勁可以M2唔勁，但係亦都未必只有呢兩樣的情況，可以係M2勁但core唔勁(只係比較少見)，我識得有個大我一年的學長係讀M1嘅，我無幾耐之前見到佢佢同我講自己都唔知點解M1好過core(唔係串)，所以揀M1定M2應該係你自己最清楚的吧。

以上純屬本人睇法希望對你有幫助啦！！

最緊要揀自己鍾意架姐
如果因為父母覺得個科好,到時你讀個陣根本無興趣,就唔會讀得好
有D野唔好一尾靠背
最緊要係明個個concept咁你就唔背都識(因為你已經清楚理解了)
希望幫到你:)

中三升中四選科問題


你好，
關於你想知道的答案
其實可以透過「姓名學、易經，或是紫微斗數」知道解答

推薦你可以參考一下這個免費算命網站
有免費的紫微斗數算命
易經占卜算命，
以及 姓名學名字好壞分析

對你知道未來的發展，有正面的幫助

網址: http://www.tellyou88.com

推薦一下︿︿