✔ 最佳答案
做套廚櫃,唔係咁簡單,物料既選擇已經好多學問,你作為消費者,你對"好"既定義係咩呢?你要講得出要求,先可以再講落去,如果你話咩平靚正又老實果類,咁就真係祝你好運.
PS:網上講果D點好或者點衰,信3成好喇,真係掠水既公司,直頭係唔會交貨(存心呃你,又何必做一大輪野然後仲要同客嘈?幾差既做法始終都要錢,點解唔直接呃埋佢?).
2012-05-30 22:02:21 補充：
其實而家d廚櫃公司好小同客嘈,亦唔會出現d大錯,常見問題係d收口唔得(度尺唔準,就大大係la,唧玻璃膠,但個底又唔填番木條,耐左條膠就甩出黎),層板放得入但拎唔出(通常係下身櫃,件板好多喉要避,師傅現場左鋸右鋸,即場塞得入就算,有d仲索性用喉管借力,放上喉面就算),櫃門冇認真調較(成行櫃門板高高低低,或者門門閂門時撞黎撞去),櫃桶負重力差(新裝好係好順,放左野幾個月就實哂),檯面石下面冇底板托住(空心底,好易裂).
2012-05-30 22:02:31 補充：
基本上,多數公司都跟圖做到9成個樣,實唔實用係另一件事,岩唔岩用又係另一件事.
我會將呢類工程形容係做佈景,當然,你比幾錢都好重要,廚櫃公司係會將價就貨,並唔會因為你唔可以比太多錢而唔做你生意.
2012-05-30 22:13:00 補充：
有時真係唔關公司既事,而係關d料事.
