賣樓要注意什麼

注意　：　

1.水費按金、電費按金、煤氣費按金、管理費按金及費用怎處理？月中成交，交不交管理費？誰追買家付上述的費用？



水費按金、電費按金、煤氣費按金可由你自己或你搵經紀在成交時向水電煤公司索取。

管理費按金，要視乎管理公司做法，如果該管理費按金是可轉讓的，你便可透過律師行幫你向買家攞番d錢，如果該按金是不可轉讓，只可退款，你便要等新買家交新按金到管理公司後，你便可向管理公司取回舊按金。

月中成交，其實你交唔交都無所謂，因為可以透過律師行做對數表，差餉地租管理費可按比例日數向買方計清楚。不過如果你按緊銀行geh 話，我建議你交左先，因為你有責任在按揭其間要交晒所有差餉地租管理費(當然包括你成交日或之前啦)，你交左先，最多透過對數，問新買家攞番錢。





2.幾時給銷匙？

成交當天，當你的律師收到新買家律師行送來的樓價尾數，你便要交鎖匙。

交鎖匙方式有兩種︰

a. 透過經紀，你可於成交當天交鎖匙比佢地，並分咐佢地要等到你geh 律師來電，確認已收到樓價尾數，才可放鎖匙。

b. 透過律師行，你可以成交當天早上或之前交比律師行，佢你的律師行收到錢後，便會把鎖匙交給新買家律師行



3.連傢俬賣如何處理？

如果傢俬已列入臨時約內，你必須於成交當天一併交給新買家，你不可擅自搬走架，否則人地有權claim 你damages 架！



4.如果發覺律師唔好，可以中途換嗎？

可以，通常正式合約內，都會有一條條文︰賣家可換律師，但你必須要通知新買家或

新買家的律師，並且要不少於成交前七個工作天



5.律師是否包收一切費用？

不會。律師費用通常包括以下服務收費︰

1. cost：做買賣合約、贖契、樓契

2. disbursement : 土地查冊費、贖契註冊費、車資、影印

但你要記住，一定唔包補契費

由於你係賣方，你是有責任提供良好業權給新買家，如你的契唔齊，律師行會幫你在土地註查處申請補契，一般補契費由二百五十至幾百蚊不等





6..律師是否扣起欠銀行的錢、律師費，才把餘款給賣家？

係。尾數一定會扣除你欠銀行ｇｅｈ　錢、律師費，有淨先會把餘款賣家。



7.會不會律師突然有些古怪費用要徵收？

唔會。



8.幾時給佣金？有無得加佣或減佣？如有，幾時協議？

緊係成交後先比佣金啦！

你要記住，有ｄ經紀行，在臨約有一行好細ｇｅｈ字，叫ｄ買／賣家在你地簽正式合約時就要用佣金。我建議你在成交後先比佣金。

佣金加減ｇｅｈ　野，係你地自己協議，最好簽臨約時協議埋啦！



9.找獨家代理好，還是幾 家代理？

我覺得搵多幾家好ｄ。



10.收了訂後，又唔想賣。怎處理？

你意思係咪收左細訂之後，你要諗清楚︰

如你只係收左細訂唔想賣，而你又未收大訂，

你必須要通知新買家你唔想賣(臨約不可寫死︰必買必賣)

但你要賠雙訂、新買家律師費、新買家代理佣金。

但如果你收左細訂，並收埋大訂，你便唔可以唔賣

因為正式合約大多為必買必賣，

新買家除了向你追討一切損失，

你要知道，一但簽了正式合約，合約必為必買必賣，意思即係任何一方可向法庭申請強制執行令，強制買賣雙方任何一方一定要賣/買層樓。

你可以去書局買書睇下,你要知既野全部會有,而你應該要知但仲未知道要知既野,都會有,你問得太多,好難所有野都詳細去講.

答下你第5條,就係執唔執下間屋去賣,一般黎講,應該用5萬蚊以下去執,執既地方係天花牆身,地下,腳線,電掣位等,執廚廁係最貴,儘量避免,換水龍頭抽氣扇就可以,因為只係幾百蚊野.咁執好左會點呢,第一係易賣,因為間屋順眼,比買家既第一印象會係好,第二係有錢搵,通常黎講,執左5萬,開大10萬係冇問題,相反,你唔執,買家都多少會壓番你價.

然後就係賣比邊個既問題,我地成日講,交易對手,如果你想賣好價,交易對手一定唔係炒家,炒家只會買市場錯價既平貨,佢地資訊流通性強你好多,唔會貴價同你接.要賣得貴,只有係賣比用家,特別係區外客,佢地對貴平既敏感度較炒家低,承價能力亦較高,前提就係佢鍾意你間屋,同埋趕住買.特別一提,每當市場上創出新高尺價,大多數都有2個共通點:自住&區外客.

其他問題,有興趣可以再研究下,但記住呢個賣樓既野,係冇一個絕對性既好同唔好,只係可以用相對性既角度去睇,同埋呢,而家賣盤係小,暫時對賣家係有利.