實用面積全面取代建築面積，會影嚮樓價嗎?

絕對係會既.

首先,發水勁既單位,即時變細左,例如我想買一個1000尺3房,如果以建築面積既方向去諗,買家係幻想唔到實際會幾大,夠唔夠住呢?如果一出埋實用面積,原來係600尺,即時現形,買家可能唔會考慮呢個單位.

而實用率唔同,尺價又一定唔同,實用率高同低既尺價會拉近,即係兩者,一個扯升,一個扯跌,原理就似新舊樓盤,就算拍埋一齊,新樓一定有溢價,尺價點都貴過舊樓,而幾年過後,新樓都變左舊樓,兩者尺價會開始接近番.

*今次會係投資者一個尋寶機會,因為會有某一類樓宇係受惠於新例,被迫升值.

2012-05-24 16:10:33 補充：
朋友,樓價係咪跌,咁緊係唔會單一原因啦,而係一連串互相影響既因素.我指既情況,係市場錯價會修正而得出既結果,再以新舊樓計,假如大家同一個區,同一價錢,買家係好大機會買新樓,所以新樓會有溢價,或者真係出現咁既情況,舊樓係會減價,當然呢個係指普遍情況,你如果搵到一個特別例子去推翻我既睇法,咁係因為呢個係特別例子.

賣自住樓博低價再買回,最簡單就以自己住緊間屋既市值租金去計一計.如果你間屋係200萬,租7000,租2年就168000,平手計都要跌到180萬(磨擦成本果d唔計住喇),你有信心就對賭,風險係可能買唔番而且仲要捱貴租,有可能輸突.

2012-05-24 16:16:06 補充：
反而我自己覺得,樓價開始跌而賣樓套現等跌會好d(基本因素要有加息,增加土地供應,美元上升等條件),因為而家仲係升市,就算唔升,橫行你都夠死,因為你要租屋住,相反跌緊時先賣,你租樓既時間相對小左,同埋應該係博大跌,跌4,5成果隻,如果你預佢跌3成咁小,就唔值博,因為用大舊風險去搵一舊小錢.

估計唔會，二百萬一層樓，管你用建築面積或實用面積，呎價就會受影響﹗