請問這是飛蚊症嚴重了嗎？

我認為你好有機會係飛蚊症, 而且, 由於你有500幾度近視咁多, 隻眼係容易啲有飛蚊症.

首先我要發聲明, 我唔係你所要求的專業人仕. 唔係眼科醫生, 亦唔係醫生或護士, 我只曾經是一個科學迷. 亦看過大約四本有關眼科的書而己.

飛蚊症由來, 是由於眼底出血, 少量血液流到玻璃體, 阻住視力, 至於點解會眼底出血? 可能的原因幾多吓, 分述如下:

(1) 六百度以上近視:

近視太深, 令眼球受拉扯力影響. 你有五百幾度, 都可能有影響.

(2) 劇烈撞擊或咳嗽:

劇烈撞擊或咳嗽: 令眼底受了拉扯, 流咗少少血出來.

(3) 跳水或從事擊烈的衝擊性運動太多:

跳水太多, 都會令眼底受力而損傷少許, 至於好像打攬球等衝擊性運動, 都會有機會造成這樣的損傷.

糖尿病或高血壓:

糖尿病或高血壓都會慢性損傷全身血管, 眼底可能會因此出血. 嚴重者可以致盲.


答你問題:

如果唔去睇醫生, 自已要做D咩嘢先可以減輕個小黑點?

答:

答案令你震驚, 唔係要做D咩嘢, 而係要唔做D咩嘢, 首先, 如果這只是一次性的眼底出血, 飛蚊症對於這樣年青的你, 是很大很大機會自己痊癒的, 你眼球內的代謝機能, 會自已修補這個問題, 如果係老野, 就多數唔會自已好返. 但是對於三十歲以下的人來說(即係你啦), 多數會自已好返.

其實我小時候都好似你咁, 見到一條條透明狀既嘢, 一個月前, 因仆倒而有飛蚊, 但係宜家已經好返大半, 我成四十歲都都好得返, 你應該得既, 除非你有糖尿病和高血壓, 如果你唔係肥仔, 應該唔會有糖尿病, 除非你好似鄭嘉泳咁, 天生第一型糖尿病, 一日要打四次針啦.

在你好返之前, 最好唔好再做劇烈運動, 唔好打監球, 排球, 唔好快跑, 最多慢步跑好喇, 如果唔係, 眼底又可能又會受拉扯而出血. 千祈唔好打泰拳呀!!! 雖然E牌好興.

仲有, 盡量唔好凍親, 因為咳嗽會使眼底受拉扯力, 倘若唔好彩拉傷咗啲血管, 就又會流血, 又多啲蚊, 如果真係唔好彩, 涷親咳嗽, 就唯有咳輕力啲, 小心啲咳.

如果真係睇醫生, 有邊D地方可以平D, 而又有醫生即時幫你醫?

答:

又平啲, 又即時幫你醫? 好抱歉, 除非個眼科醫生係你老豆, 否則就好難喇! 因為香港以前冇眼科讀, 要成為眼科醫生, 必需要到外國名校大學讀, 由於學費和生活費勁貴, 去英國讀一個眼科院士, 可能就要幾百萬港元, 係大富之家先可以讀眼科, 所以香港的私家眼科醫生好少, 好吃香, 好貴, 因為要收回成本. 雖然香港近幾年終於有眼科讀, 但是由於香港眼科醫學院歷史太短, 港產眼科醫生少得可憐, 至今為止, 私家眼科醫生收費仍然好貴.

如果你去睇私家眼科醫生, 一次最少600, 己經係最平果隻, 通常少少敏感, 俾枝眼藥水你滴吓, 都要800.

如果睇政府眼科, 要排期, 如果你冇即時盲掉的危險, 就最少要等半年, 甚至更長.

普通科私家醫生, 做唔做到?

做唔到, 其實醫飛蚊, 通常只有一個方法, 就係做手術, 將一部份眼球玻璃體割掉, 然後打入特制氣體或液體, 我朋友已經五十歲, 因飛蚊太多, 隻眼乜都睇唔到, 岩岩做完這個手術, 在病床上訓咗三星期.

這是一個大手術, 必須要資深眼科醫生才能做到, 私家醫生的手術費連麻醉師費用肯定超過十萬, 如果你只係得一粒黑點, 而你又冇黃班點或視網膜脫落的情況, 個醫生通常不會幫你做, 而且, 如果你唔係糖尿病或高血壓患者, 又咁年輕, 你應該會自已好返, 乜都唔使做, 得個等字.

政府醫院要睇咩先快D可以去眼科?

通常係由普通科醫生轉介, 私家普通科亦可轉介, 不過, 除非你一隻眼已經完全失明, 你才有快期可以去眼科, 否則, 睇乜科都係差唔多等咁耐.

新世紀飛蚊症治療中心

飛蚊症如何治療？
採用雅鉻雷射來消除玻璃體內的“飛蚊”，是目前醫學實證上被證明比較有效的方式，經前人研究實驗顯示，多半病患可以藉由這種方式治療，或是改善病患症狀，相對來說，安全性要比玻璃體切除手術來得安全多了。雷射能量可藉由接觸式玻璃體鏡來讓能量確實集中到玻璃體的一點上面，將玻璃體渾濁的飛蚊症瞬間汽化，或是讓視覺中央的飄浮物沉澱到下方，改善病患主觀感受，在雷射區周邊的玻璃體區域則因為【plasma shield】而完全無影響。

2012-07-20 12:15:49 補充：
雷射步驟如下：

請病患接受散瞳檢查，大約需要四十分鐘左右
確認沒有其他視網膜病變，再請病患在雷射台前接受局部麻藥 （alcaine）
請病患眼前直視，醫師將病患眼球撐開，並將接觸鏡放在病患眼球上
除散瞳等候時間，雷射療程約需10-20分鐘
醫師採用雷射將飛蚊直接汽化分解、鏈解消退飛蚊的部分
雷射過程大約10分鐘左右，有些病患要做三到四次
眼球不需要手術打開，不會有感染的風險
做完雷射後不需要特別休息，只需要點用稍許消炎藥水
做完雷射後可立即從事室內工作
4-6小時後可接近原先視力