✔ 最佳答案
你用入境處裡面的自助服務機(我地叫肥公仔)去申請特區護照,成功申請後,會列印番張收據給你。
(用得肥公仔去申請,梗係去到分處無籌啦。所以,被迫去自助服務機做申請。)
咁你手上有無依張收據呢?
此收據會列明新護照何時在那一個分處有得領取,(如你所說由六月四日起)。入境處電腦系統會即時有你的申請紀錄,無理由話無你既資料。
你打左打邊度呀?
入境處個熱線電線係: 2824 6111。又真係幾熱,好多人話打唔通。
經自動服務機申請的檔案號碼以 [Z}為起首
如:ZHPU-1234567-12(0)
第二個英文字係那一個分處度申請 (間間辦事處都唔同,暫不一一列出)
第三個 P係申請護照
第四個U係申請 32 頁、J則申請 48 頁
溫馨提示:
你睇睇你手上張收據啦,仲有收據上會印明你領證時要帶D咩野去。
如果要你帶舊證件去註銷,就一定要帶埋去,否則唔會發本新護照比你。
多口講多句,由於你用自助服務機申請,你可授權一位十八歲以上的人士幫你去拎新護照,不過,都要帶舊證件(如適用)去。
2012-05-26 17:00:40 補充:
又口多多講多幾句,
樓上位,要額外多兩個工作日,只適用於利用投遞箱投遞申請,或郵寄申請。
所以,一個利用自助服務機申請,係即時有紀錄的。