找文職工作問題

HIHI~~
1. 好多文職都需要你識得處理電腦文書系統(如WORD, EXCEL)，
若果你冇做文職經驗或者唔太職操作電腦，咁有張有關的證書旁身係較好!
若想搵類似的課程，有D屋邨係有辦的，價錢只係幾百蚊甚至係免費!
或可以去工聯會睇睇，價錢都係好合宜!

2. 若果你係去細公司見工，其實着得簡單整齊都OK。
(如上身可着POLO恤、格仔恤、恤衫、簡單的TEE，
而下身可着簡單的牛仔長褲、淨色長褲等，顏色款式要沉實)
若果去大公司見工，當然着恤衫西褲就較好。

3. 基本上絕大部份的文職工都需要睇你的會考成績單，
如果你唔見左就真係麻煩啦! 只好拎住中五成績表頂住先，好過乜都冇!
但若然連中五成績表都唔見左，咁你讀多幾個短期課程，
拎住幾張證書好過冇! (可讀電腦、英文、普通話、船務、會計等)

至於帶咩去見工，需要證件相、身分證、學歷、相關證書、
以往工作證明、筆等。

4. 若要面試，通常叫你自我介紹、問你以往工作性質、你的優點與缺點、
可能問你知唔知呢份工有咩做、你有咩過人之處點解要請你等等，
仲有最後通常會問你有冇問題想問，若佢已經講得好詳細你話冇問題都OK，
否則你可以問幾時通知請唔請、福利等相關此工作的問題。

好多公司都會考你中英文打字速度、EXCEL應用技巧、
更甚考你中英文翻譯等等。你必須在家好好練習，加油!

我認為你可以先搵D細公司度做初級文員，人工可能會低D，
但勝在較易入行，可以學到野和儲相關工作經驗，
之後再搵D人工好DD的文職，加油!



2012-05-30 14:13:03 補充：
面試時要保持微笑、眼神接觸及有禮! 比心機!

2012-05-30 16:08:32 補充：
唔好意思! 我假設左你係男仔，
若你係女仔，去細公司見工上身除可穿簡單款的TEE外，
還可穿斯文款的連身裙或半截裙，當然不要太短!
若係長頭髮，紮起頭髮俾人感覺企理D。

至於做文職有咩好處，我覺得可以擁有更多私人時間，
因為通常6點收工，放工可以相約友人閒逛、可以回家和家人食飯。
返工唔駛企有冷氣，工作環境都幾好。

至於壞處，可能有D做得耐D嘅同事會扮哂野，指你做東做西，
更甚會有小圈子，背後講你話你。不過以上兩點只係可能發生，唔駛咁擔心!
只要你對人有禮，人地對你唔會差得去邊。

我自己做左文職四年，以上係我小小心得，希望幫到你!

去勞工處青年就業中心做會員,嗰度有社工指導返你,亦有一系列既免費培訓班,應該會幫到你.
http://www.e-start.gov.hk/v3/tc/index.htm

除左你的hardskill之外
其實softskill都好重要
本身技能有限, 你都要識得點present比人睇
黎緊6月初荃灣愉景新城就會有個招聘會
到時你除左可以o係果度即場面試見工
果度亦請到形象顧問Peter Chow
教大家一d見工基本需知, manner等等
你可以到時去聽下呀
detail: www.jobmarket.com.hk/june19